Бугун,

  • USD 11095.31
  • RUB 173.84
  • EUR 10772.44

«Ўзбекнефтгаз» АЖ Бошқарув раиси Меҳриддин Абдуллаев бошчилигидаги «Ишчи гуруҳ» томонидан жамиятга қарашли Муборак бошқармасида табиий газ қазиб чиқариш, геологик-техник тадбирлар доирасида қудуқларни бурғилаш, капитал таъмирлаш ва технологик объектларни ишга тушириш борасида олиб борилаётган чора-тадбирлар ва уларнинг самарадорлиги бўйича ўрганишлар олиб борди.

Ўрганиш давомида тадбирларнинг бажарилиш ҳолати жойларга чиққан ҳолда батафсил муҳокама қилинди ва келгуси истиқболли йўналишлар белгилаб олинди.

«Ўзбекнефтгаз» АЖ Бошқарув раиси бошчилигидаги «Ишчи гуруҳ» томонидан «Тегирмон» конлари гуруҳи ва унга яқин майдонларда амалга оширилаётган геология-қидирув ишларининг ҳолати ўрганилди.

2022 йилнинг январь сентябрь ойлари мобайнида ушбу ҳудудда 9 та янги – «Тегирмон» ва «Ғарбий Тегирмон» конларида 2 тадан излов-қидирув ва 2 тадан ишлатиш қудуқлари, шунингдек, «Янги Алат» конида 1 та излов-қидирув қудуғи бурғиланди ва қурилиш билан билан тугатилди.

Шуни алоҳида таъкидлаш керакки, юқорида кўрсатилган қудуқларнинг барчасидан саноат миқёсидаги табиий газ захираларини кўпайтиришга эришилди ва ҳозирда улардан табиий газ қазиб чиқариш ишлари давом эттирилмоқда.

2022 йилнинг ўтган даври мобайнида эришилган энг асосий ютуқлардан бири бажарилган геология-қидирув ишлари натижасида ушбу ҳудудда «Янги Алат» – янги газконденсат конининг очилиши бўлди.

«Ишчи гуруҳ» томонидан бугунги кунда «Тегирмон» конидаги 6-сонли, «Ғарбий Тегирмон» конидаги 8-сонли, «Янги Тегирмон» майдонидаги 1-сонли излов-қидирув қудуқларида олиб борилаётган бурғилаш ишлари билан танишди.

Шунингдек, геология-қидирув ишлари натижасида очилган «Янги Алат» газ-конденсат конидаги 1-сонли қудуқни ишга тушириш мақсадида диаметри Ø168х8 мм бўлган 11 км узунликдаги газ қувурининг қурилиш ишлари «Ишчи гуруҳ» томонидан ўрганилди.

Шундан сўнг, Бошқарув раиси бошчилигидаги «Ишчи гуруҳ» «Тегирмон» конидаги 15-сонли ва 16-сонли, «Ғарбий Тегирмон» конидаги 11, 12-сонли эксплуатацион қудуқларда олиб борилаётган бурғилаш ишларини ўрганиб, мутахассисларга олиб борилаётган бурғилаш ишларини жадаллаштириш бўйича кўрсатмалар берилди.

Ўрганиш давомида қудуқларни бурғилаш ишларида смена асосида ишлаётган ишчиларнинг яшаш шароитлари ҳам кўздан кечирилиб масъулларга тегишли кўрсатмалар берилди.

«Ўзбекнефтгаз» АЖ матбуот хизмати

Изоҳ
Asosiy yangiliklar
Маҳаллий
Виртуал карталар нима ва улардан қандай қилиб тўғри фойдаланиш мумкин?
Дунё
Twitter офисида ходимлар учун каравотлар пайдо бўлди, Илон Маск аввалроқ меъёридан ортиқча иш бўлиши ҳақида огоҳлантирганди
Маҳаллий
Хоразмда икки киши ис газидан вафот этди