Бугун,

  • USD 11095.31
  • RUB 173.84
  • EUR 10772.44

Ўзбекистон Республикаси Президенти Шавкат Мирзиёевнинг ташаббуси ва қўллаб-қувватлаши натижасида бугун Ўзбекистонда енгил атлетика спорт турига алоҳида эътибор берилмоқда. Спортчилар учун барча шароитлар яратилиб, улар халқаро мусобақаларда совринли ўринларни эгаллашмоқда.

2022 йилнинг 24—25 сентябрь кунлари Самарқанд шаҳридаги «Афросиёб» спорт аренасида енгил атлетика бўйича IV Марказий Осиё чемпионатининг ўтказилиши ҳам фикримиз исботидир. Таъкидлаш керакки, Шавкат Мирзиёев ташаббуси билан 2004 йилда «Универсиада-2004» Республика талабалар спорт ўйинларини ўтказиш учун қурилган арена, Бутунжаҳон енгил атлетика ассоциацияси талабларига биноан халқаро турнирлар ўтказиш учун тўлиқ реконструкция қилинди.

Самарқанд шаҳри ўз тарихида биринчи маротаба Енгил атлетика бўйича Марказий Осиё чемпионатига мезбонлик қилди. Халқаро мусобақаларда иштирок этиш учун 300 дан ортиқ спортчилар ташриф буюришди ва бу чемпионат енгил атлетика мавсумининг якунида ҳар бир спортчига ўзининг шахсий рейтингини ва иштирок натижаларини сарҳисоб қилишга имконият берди.

Спортни ривожлантириш вазирлиги, Миллий олимпия қўмитаси, Марказий Осиё енгил атлетика ассоциацияси, Самарқанд вилояти ҳокимлиги ҳамкорлигида ташкил этилган ушбу турнирнинг тантанали очилиш маросимида, «Ўзбекнефтгаз» АЖ Бошқарув раиси - Ўзбекистон енгил атлетика федерацияси раҳбари Меҳриддин Абдуллаев мусобақа иштирокчилари ва меҳмонларига табрик йўллаб, барча қатнашчиларга омад тилади.

Халқаро мусобақа доирасида енгил атлетиканинг 41 та йўналиши бўйича 56 та медаллар жамланмаси ўйналади. Спортчилар асосий югуриш йўналишлари бўйича ҳам, техник йўналишларда ҳам – баландликка сакраш, лангар чўп билан сакраш, узунликка сакраш, уч хатлаб сакраш, диск улоқтириш, босқон улоқтириш, ядро ирғитиш, найза улоқтириш бўйича беллашишди.

Енгил атлетика бўйича Ўзбекистон терма жамоаси вакиллари деярли барча йўналишларда иштирок этди. Жорий йилнинг август ойида Туркиянинг Коня шаҳрида бўлиб ўтган V Ислом бирдамлиги ўйинлари ғолиб ва совриндорлари бўлган Шарифа Давронова, Анвар Анваров, Суҳроб Ходжаев, Фарида Солиева, Наргиза Қўчқорова ва Роксана Худоярова ҳам ўз имкониятларини синаб кўришди.

Аёллар ўртасидаги босқон улоқтириш баҳсларида Зарина Носиржонова, эркаклар ўртасидаги баландликка сакрашда Амир Нагаев, таяниб сакрашда Ҳайитали Пўлатов биринчи ўринни эгаллашди.

Аёллар ўртасида 800 метрга югуриш беллашувида малайзиялик Савиндер Каур, эркак ўртасидаги эса қирғизистонлик Мусулмон Жоломанов, эркак ўтрасида 200 метр масофага югуришда тожикистонлик Фаворис Музрапов, аёллар ўртасида эса ҳамюртимиз Лайло Аллаберганова ғолибликни қўлга киритди.

Турнирдаги барча йўналишларидаги баҳслар кескин курашларга бой бўлди. Марказий Осиё очиқ чемпионатида Ўзбекистон терма жамоаси ’золари умумий ҳисобда 25 та олтин, 27 та кумуш ва 27 та бронза медалларни қўлга киритиб умумжамоа ҳисобида биринчи ўринни эгаллашди.

Умумжамоа ҳисобида Туркманистон терма жамоаси 2-ўринни, Қирғизистон терма жамоаси эса 3-ўринни эгаллади. Тожикистон ва Малайзия терма жамоалари аъзолари 3 тадан олтин медал, Қозоғистон ва таиланд терма жамоалари аъзолари эса 2 тадан олтин медални қўлга киритишди.

Ушбу турнирда У18 баҳсларида Ўзбекистон терма жамоаси аъзоси, андижонлик 17 ёшли Дилшода Усмонова У18 ва U20 ёш тоифаларидаги Ўзбекистон рекордини янгилади. 3000 (уч минг) метр масофага 10:40,46 дақиқада маррага етиб келган спортчимиз 0,06 сонияга аввалги яъни, 2022 йил 28 май куни Тошкентда ўтказилган Ўзбекистон кубогидаги рекордини янгилади.

Муросасиз беллашувларга бой бўлган ва уч кун мобайнида қизғин тарзда бўлиб ўтган Марказий Осиё очиқ чемпионати якунланди.

Турнирнинг ёпилиш маросимида Марказий Осиё енгил атлетика федерацияси раҳбари Дилшод Назаров замонавий спорт анжомлари, барча талабларга жавоб берадиган югуриш йўлакчаларига эга бўлган «Афросиёб» аренасида Осиё чемпионати ва халқаро мусобоқалар ўтказиш имконига эга бўлганини алоҳида таъкидлади.

Эслатиб ўтамиз, 2022 йилнинг 13-16-октябр кунлари Қувайтда енгил атлетика бўйича У18 Осиё чемпионати бўлиб ўтади ва Ўзбекистон терма жамоаси аъзолари тзлиқ таркиб билан иштирок этишади.

«Ўзбекнефтгаз» АЖ матбуот хизмати

Изоҳ
Асосий янгиликлар
Дунё
Фото: Зарбалардан кейин чироқсиз қолган Украинанинг коинотдан кўриниши
Маҳаллий
Андижонда Isuzu ва юк машинаси тўқнашиши оқибатида 41 киши жароҳатланди, 3 нафари воқеа жойида ҳалок бўлган
Дунё
Сена дарёси бўйлаб сайр: турли-туман қиёфалар ва машҳур тарихий обидалар — суратларда