Бугун,

  • USD 11014.01
  • RUB 191.8
  • EUR 10674.78

Ўзбекистон ташқи ишлар вазири Владимир Норов БМТ Бош ассамблеясининг 77-сессиясида иштирок этиш доирасида Финляндия ташқи ишлар вазири Пекка Хаависто билан учрашув ўтказди.

ТИВ маълумотига кўра, томонлар сиёсий мулоқотни чуқурлаштириш, савдо-иқтисодий ва маданий-гуманитар алоқаларни жадаллаштириш бўйича амалий чоралар кўришга тайёр эканини билдирди. Инновациялар, таълим, озиқ-овқат ва фармацевтика саноати, АКТ, қишлоқ хўжалиги ва туризм соҳаларида қўшма инвестиция лойиҳаларини амалга ошириш муҳимлиги қайд этилди.

Владимир Норов Ўзбекистон Финляндия компанияларининг илғор технологияларини миллий иқтисодиётга жалб этишдан манфаатдорлигини билдирди.

Музокараларда атроф-муҳитни муҳофаза қилиш масалаларига ҳам алоҳида эътибор қаратилди. Пекка Хаависто қайд этганидек, Финляндия Орол денгизининг қуриши оқибатларини юмшатиш, минтақадаги экологик вазиятни яхшилашда БМТнинг Оролбўйи минтақаси учун инсон хавфсизлиги бўйича кўп шериклик жамғармаси орқали Ўзбекистонга фаол ёрдам кўрсатишда давом этишга тайёр.

Таълим ва маданият соҳаларидаги алоқалар ижобий суръатларда ўсаётгани қайд этилди. Сентябрь ойида Тошкент шаҳрида Нордик халқаро университетининг очилиши Ўзбекистонда Финляндия таълим тизимини ўрганиш ва жорий этишга, кадрлар тайёрлашга ёрдам беришга хизмат қилиши эътироф этилди.

Мавзуга доир: Орол денгизининг бугунги кундаги ҳолати акс этган сурат эълон қилинди

Изоҳ
Асосий янгиликлар