Араб клуби Криштиану Роналдуга йилига 240 млн евро маош таклиф қилгани маълум бўлди
«Манчестер Юнайтед» ҳужумчиси Криштиану Ронладу Саудия Арабистони клубидан молиявий томондан улкан таклиф олган. Бу ҳақда Mirror’га таяниб «Чемпионат» хабар қилмоқда.
Номи ошкор қилинмаган клуб португалиялик футболчи учун йилига 240 миллион евро маош таклиф қилган. Бу уни дунёнинг энг кўп маош оладиган футболчисига айлантирарди. Бироқ Роналду мазкур таклифни рад этган
Шунингдек, мақолада қайд этилишича, Роналду жорий мавсум ўзига тақдим қилинаётган ўйин вақтидан норози ва катта эҳтимол билан мавсум якунида жамоани тарк этади.
Аввалроқ Саудия Арабистони футбол федерацияси президенти Ёсир ал-Мишал Криштиануни маҳаллий чемпионатга олиб келиш истаги борлигини маълум қилганди.
37 ёшли футболчининг манкунианлар билан амалдаги шартномаси 2023 йилнинг ёзида ўз якунига етади.
Мавзуга доир:
- «Манчестер Юнайтед» Роналду асосий таркибда тушган ўйинларда гол ура олмаяпти
- Дўконга бориш учун вертолёт, бронза чумоли, мушук учун шахсий самолёт. Футбол юлдузларининг ғайриоддий харажатлари
