Бугун,

  • USD 11014.01
  • RUB 191.8
  • EUR 10674.78

Туркиянинг Bayraktar ТB2 зарба берувчи учувчисиз учар қурилмалар ишлаб чиқаришга ихтисослашган Baykar компанияси Украинада ўз бўлинмасини очди ва ушбу мамлакатда завод қуришга тайёрланмоқда, деб ёзади «Коммерсантъ» Украинанинг Туркиядаги элчиси Василий Боднарга таяниб.

Bayraktar ТB2

Bayraktar ТB2
Фото: «Коммерсантъ»

«Baykar компанияси эгаси Украинада ўз бўлинмасини яратди, ушбу компания ер майдонини сотиб олди, улар завод лойиҳасини ишлаб чиқди ва уни охиригача амалга оширмоқчи, чунки Украинада ишлаб чиқаришни йўлга қўйиш — компания эгаларининг деярли шахсий мажбурияти бўлган эди», — деди Боднар.

Элчи аниқлик киритишича, дронларнинг аксарияти Украинада ишлаб чиқарилган таркибий қисмлардан иборат бўлади.

«Булар двигателлар, бошқа захира қисмлари, ғилдираклар, ўзимизда бўлган ва ушбу учар қурилмалар учун қўлланилиши мумкин бўлган бошқа турли хил юқори технологик нарсалардир», — деди у.

19 июль куни Украина Вазирлар маҳкамаси вакили Тарас Мельничук мамлакат ҳукумати Туркия билан юқори технологиялар, авиация ва коинот соҳаларидаги ҳамкорлик ҳақидаги келишувни ратификация қилиш тўғрисидаги қонун лойиҳасини маъқуллаганини айтганди, у Украинада Туркиянинг Bayraktar зарба берувчи учувчисиз учар қурилмаларини ишлаб чиқариш ва уларга хизмат кўрсатиш бўйича завод қурилишини бошлаш имкониятини бериши маълум қилинганди.

2021 йил январида SAHA EXPO мудофаа саноати маҳсулотлари кўргазмасида Baykar ва Украинанинг «Ивченко прогресс» конструктор бюроси янги MUIS учувчисиз учар қурилмалар учун двигателлар етказиб бериш бўйича шартнома имзолаганди.

Кейинроқ Bloomberg манбалари Украина Туркиядан олтитадан ортиқ дронлар сотиб олганини маълум қилди. Яна камида 20 та дрон учун буюртма ишлаб чиқиш босқичида турибди.

Изоҳ
Асосий янгиликлар