Тошкент вилояти Нурафшон шаҳрида «Янги Ўзбекистон» боғи барпо этилади. Бу ҳақда вилоят ҳокимининг 5 августдаги қарорида белгиланган.
Унга кўра, ушбу боғ Нурафшон шаҳар «Янгиобод» МФЙ Nurafshon biznes city ҳудудидаги 22,28 гектар ер майдонида қурилади. Ҳокимнинг шу кундаги фармойишига кўра, барпо этилиши режалаштирилаётган боғ қурилишига вилоят маҳаллий бюджетининг 2022 йил II чораги якуни билан шаклланган даромадлар режасининг орттириб бажарилган қисми ҳисобидан 10 миллиард сўм ажратилади.
Эслатиб ўтамиз, 2021 йилнинг ноябрида Нурафшонда Зулфия Зокирова ҳайкалини қуриш учун 28,4 млрд сўм, шунингдек, кутубхона биносининг қурилиши учун 6 миллиард сўм маблағ ажратилганди. Кейинчалик ушбу лойиҳа амалга оширилиши кечиктирилди.
Изоҳ (0)