«ПСЖ» футболчиларига овқатланаётганда телефон ишлатиш тақиқланди. Парижликлар бош мураббийи жамоадаги интизомни кучайтирди

«ПСЖ» янги бош мураббийи Кристоф Гальтье жамоадаги интизомни кучайтирди.

Париж клуби футболчиларига овқатланаётган вақтда телефондан фойдаланиш тақиқланди, дея хабар беради L’Equipe нашри.

Шунингдек, сабабсиз машғулотларга кечикиб келган футболчилар уйига қайтариб юборилади.

Аввалроқ Гальтье жамоанинг тактик схемасини ўзгартиргани хабар қилинганди. Мутахассис 3-4-1-2 схемасини синовдан ўтказмоқда.

Эслатиб ўтамиз, 5 июль куни «ПСЖ» Кристоф Гальтьени жамоанинг янги мураббийи сифатида таништирди. «Ницца» собиқ мураббийи Маурисио Почеттинонинг ўрнини эгаллади.

Кристоф Гальтье бунгача «Марсель», «Сент-Этен» ва «Лилл»да ишлаган. 2020/21 йилги мавсумда «Лилл» билан биргаликда Франция чемпионлигини қўлга киритган. «Ницца» 2021/22 йилги мавсумда Лига 1 ни 5-поғона билан якунлади.