“PSJ” futbolchilariga ovqatlanayotganda telefon ishlatish taqiqlandi. Parijliklar bosh murabbiyi jamoadagi intizomni kuchaytirdi

“PSJ” yangi bosh murabbiyi Kristof Galte jamoadagi intizomni kuchaytirdi.

Parij klubi futbolchilariga ovqatlanayotgan vaqtda telefondan foydalanish taqiqlandi, deya xabar beradi L’Equipe nashri.

Shuningdek, sababsiz mashg‘ulotlarga kechikib kelgan futbolchilar uyiga qaytarib yuboriladi.

Avvalroq Galte jamoaning taktik sxemasini o‘zgartirgani xabar qilingandi. Mutaxassis 3-4-1-2 sxemasini sinovdan o‘tkazmoqda.

Eslatib o‘tamiz, 5-iyul kuni “PSJ” Kristof Galteni jamoaning yangi murabbiyi sifatida tanishtirdi. “Nitssa” sobiq murabbiyi Maurisio Pochettinoning o‘rnini egalladi.

Kristof Galte bungacha “Marsel”, “Sent-Etyen” va “Lill”da ishlagan. 2020/21-yilgi mavsumda “Lill” bilan birgalikda Fransiya chempionligini qo‘lga kiritgan. “Nitssa” 2021/22-yilgi mavsumda Liga 1 ni 5-pog‘ona bilan yakunladi.