Бугун,

  • USD 11095.31
  • RUB 173.84
  • EUR 10772.44

Аввал хабар берилганидек, 25 июнь куни Ўзбекистон Конституциясига ўзгартишлар киритиш тўғрисидаги қонун лойиҳаси жамоатчилик муҳокамасига қўйилди.

Унга кўра, Давлат истеъдодли ёшларнинг моддий аҳволидан қатъи назар, таълимни давом эттиришини кафолатлаши Конституцияда белгилаб қўйилмоқда.

Президент Шавкат Мирзиёевнинг 2022 йил 20 июндаги Конституциявий комиссия аъзолари билан учрашувда «Биз оила, мактабгача таълим, мактаб ва олий таълимни ҳамда илмий-маданий масканларни Учинчи Ренессанснинг энг муҳим бўғинлари, тўрт узвий ҳалқаси деб ҳисоблаймиз. Шундай экан, Янги Ўзбекистон бунёдкорлари бўлмиш ўғил-қизларимизнинг ҳуқуқ ва эркинликлари ҳамда қонуний манфаатларини ҳар томонлама қўллаб-қувватлашни Конституцияда мустаҳкамлаб қўйиш – долзарб масаладир», - деб айтган эди.

Сўнгги йилларда мамлакатимизда юқори билим ва малакага эга бўлган, рақобатбардош кадрлар тайёрлаш мақсадида олийгоҳлар сони 160 дан ортди, хорижий олий таълим муассасалари ва улар филиалларининг сони 30 тага етди.

Шунингдек, кейинги 5 йилда олий таълимга қабул квотаси 3 баробар оширилди. Бу – умумий қамров 28 фоизга етди, деганидир. 5 йил аввал бу рақам атиги 9 фоизни ташкил этарди. Шунингдек, битирувчиларни олий таълим билан қамров даражаси 9 фоиздан 40 фоизга оширилди. Таълимнинг узвийлигини таъминлаш қамровини кенгайтириш мақсадида олий таълим тизимида сиртқи ва кечки таълим шакллари қайта тикланди.

«Таълим тўғрисида»ги қонуннинг 4-моддасида таълим соҳасидаги асосий принциплар келтирилган бўлиб, улар қаторида инсоннинг бутун ҳаёти давомида таълим олиши принципи ҳам белгиланган.

Киритилаётган қўшимчалар ёшларнинг таълим олиш ҳуқуқини тўлақонли таъминлашнинг конституциявий кафолатини белгилайди.

Шунингдек, ушбу қўшимча Янги Ўзбекистон тараққиёт стратегиясининг 38-мақсади, яъни мактабгача таълимдаги қамров даражасини ҳозирги 67 фоиздан камида 80 фоизга етказиш ҳамда 46-мақсади, яъни олий таълим билан қамров даражасини 50 фоизга етказиш ва таълим сифатини оширишга эришиш учун муҳим ҳуқуқий кафолат ҳисобланади.

Изоҳ
Асосий янгиликлар
Маҳаллий
Ўзбекистоннинг Истанбулдаги Бош консулхонаси Туркиядаги фуқароларга мурожаат билан чиқди 
Маҳаллий
Ўзбекистонда 7 февраль куни 20 даражагача илиқ бўлиши кутилмоқда 
Маҳаллий
Ўзбекистонда доллар курси яна ошди