Шахсий тажрибаси билан 40 ёшдан кейин карьераси энди бошланишини исботлаган машҳур аёллар (фото)

Кино оламда ўз ўрнини сақлаб қолиш ва томошабинлар меҳрини қозониш жуда мураккаб иш. Баъзи актрисалар бир неча йилдан сўнг унутилади, баъзилари эса йиллар ўтгани сайин карьерасида муваффаққиятга эришади. «AdMe» нашри 40 ёшдан кейин карьера қилиш мумкинлигини шахсий ҳаётида исботлаган машҳурлар рўйхатини эълон қилди.

Рене Зеллвегер

Рене Зеллвегер комедияда ҳам, драма йўналишида ижод қилган маҳоратли актриса. Актрисанинг машҳурлик чўққиси 2000 йилнинг бошига тўғри келган. У «Бриджит Жонснинг кундалиги», «Чикаго», «Совуқ тоғ» фильмларида рол ўйнаган. Зеллвегер ижросидаги фильмлар кўпайиб кетди, шунинг учун унинг роллари мухлислар томонидан кўп эсланмайдиган бўлди.

Актриса 40 ёшга яқинлашганида фильмларда рол ўйнашни бутунлай тўхтатди. У орадан 6 йил ўтиб ижодга қайтди. Зеллвегер 2015 йилдан бери 5 та фильм ва 2 та мини-сериалда рол ижро этди.  Кўплаб роллар ижрочиси 2019 йилда «Жуди» автобиографик драмасидаги роли учун «Оскар» мукофотини олди.

Роуз Бирн

Роуз Бирн 40 ёшда ва унинг карьераси юксалишда давом этмоқда. Актриса ижодининг бошида драматик ролларга интилган, бироқ 2010 йилда у комедия жанридаги фильмда рол ижро этди. Бу эса унинг карьерасида яна бир поғона кўтарилишга имкон бўлди. «Мен жиддий актриса бўлишни орзу қилардим, лекин вақт ўтиши билан комедик актриса бўлишим яхшироқ эканини англадим» —, дейди актриса.

Актриса яқинда суратга олинган «Ҳаёт ритмида» сериалида қийноқларга учраган уй бекаси ролини ижро этди. Ҳозир у бир нечта лойиҳаларга продюсерлик қилмоқда ва уни суратга олиш учун тайёрланмоқда.

Пенелопа Крус

Пенелопа Крус кино оламида 30 йилдан ортиқроқ муддатда фаолият юритиб келади ва бу вақт оралиғида кўплаб бош ролларни ижро этган. Актриса комедия ва вестерндан тортиб триллер, оғир драма йўналишидаги турли фильмларда иштирок этган.

У охирги йилларда йирик лойиҳаларда кам иштирок этди, сабаби актриса шахсий масалаларга эътибор қаратган. Пенелопа Крус 2021 йилда кўплаб ижобий шарҳларни олди ва «Параллел оналар» фильмидаги роли учун «Оскар» мукофотини қўлга киритди.

Жессика Честейн 

Жессика Честейн кинодаги фаолиятини 31 ёшида, «Жолин» мустақил драмасидаги ролидан бошлаган. Бу кинофильмдан кейин актриса 4-5 та фильмда фаол иштирок этди. Унинг ижросидаги фильмлар турли рейтингларда иштирок этади. Жессика «Она», «Interstellar», «Қизил чўққи» каби фильмларда суратга тушган.

«Тамми Фейнинг кўзлари» фильмида бош ролни ижро этган Честейн 45 ёшида «Оскар» мукофотини қўлга киритди. Шундан кейин актриса ижодга янада кўпроқ эътибор қаратди ва 4 та лойиҳада иштирок этди.

Лора Дерн

Ёшлигида Лора Дерн Дэвид Линчнинг «Кўк бахмал» ва «Юракдаги ёввойи» фильмларининг тимсолига айланди. Актриса орадан вақт ўтиб «Юра оламига саёҳат» ва «Октябрь осмони» каби машҳур кинокартиналарда рол ижро этди. Бироқ 2000 йилнинг бошида Лора Дерн йирик лойиҳаларда суратга тушишни тўхтатди.

У 2014 йилда, «Ёввойи» драмасидаги роли учун «Оскар» мукофотини қўлга киритганидан кейин ижодга қайтди. Шундан кейин актриса бир қанча лойиҳаларда иштирок этди ва 2020 йилда «Никоҳ ҳикояси» фильми учун кинокартинанинг бош мукофотини қўлга киритди.

Женнифер Лопес 

Женнифер Лопес ўз авлодининг энг муваффақиятли хонандаларидан бири. У мухлислари томонидан изланувчан актриса ва истеъдодли, ишбилармон аёл деб эътироф этилган. Бироқ у муваффаққиятини сақлаб қололмади. Кино оламдаги муваффаққиятнинг пасайиши мусиқадаги ижодга ҳам таъсир қилди. Актриса иштирокидаги «Жили» фильми танқид қилинганидан сўнг, актриса жуда хафа бўлгани ҳақида гапирган. «Мен  ҳурматимни йўқотдим, касб танлашимга шубҳа қилдим. Чунки ҳамма нарсада муваффаққиятсизликка учрадим» —, дейди у.

Женнифер Лопес охириги йилларда карьерасини янги босқичга олиб чиқди ва 2022 йилда намойиш этилган «Менга турмушга чиқ» кинофильмида рол ижро этди. Актриса яна 4 та йирик лойиҳада иштирок этишини, бу лойиҳаларда бош қаҳрамон ролини ўйнашини ва продюсер бўлишини маълум қилди.

Мегги Жилленхол 

Актриса 90 йилларнинг бошида отаси томонидан суратга олинган фильмларда эпизод ролларни ижро этди ва шундан кейин бош ролларни ҳам ўйнади. Кейинчалик у «Донни Дарко» диний драмасида пайдо бўлди, ушбу фильмда унинг акаси Жейк бош қаҳрамон сифатида иштирок этган. Бу фильмдан кейин актриса бошқа фильмларда ҳам рол ижро этди ва уларнинг ҳеч бири муваффаққиятсизликка учрамади.

Жилленхол ўзини 2021 йилда суратга олинган «Ғалати қиз» психологик драмасида режиссёр сифатида синаб кўрди ва фильмнинг сценарийсини ҳам ўзи ёзди. Сценарий муаллифи сифатида у «Оскар» мукофотига сазовор бўлди.

Мишел Пфайффер

Мишел Пфайффер 80-90 йилларнинг энг машҳур актрисаларидан бири ҳисобланади. Актриса карьерасининг дастлабки босқичи унчалик яхши бўлмаганини айтган. «Мен кинони ўргандим, шунинг учун кўпроқ оддий ролларни ўйнадим ва ташқи кўринишимдан фойда кўрдим» —, дейди актриса. Кўникмалар ҳақиқатан ҳам унга ёрдам берди, Пфайффер ўша даврнинг энг машҳур «Чандиқ юз», «Хавфли алоқалар», «Бетмен қайтмоқда» фильмларида рол ижро этди.Актриса болаларини тарбиялашга вақт ажратиш учун тез-тез танаффус қилди. У бир неча йил экранларда кўринмади, ижодга қайтгач эса бир фильмдаги бош ролни олди. Унинг охирги иштирок этган лойиҳаларидан бири «Биринчи хоним» сериали ҳисобланади. Актриса ҳозир бир нечта фильмларда суратга тушишга тайёрланмоқда ва мушук аёл образига қайтиши мумкинлигини айтган.

Сандра Буллок 

Сандра Буллок 57 ёшда бўлишига қарамай суратга олиш ишларида фаол иштирок этмоқда. Актриса биринчи ва ҳозирча ягона «Оскар» мукофотини 45 ёшида «Меҳр ҳудуди» фильмидаги роли учун олган. У 2010 йил ва 2014 йилда дунёдаги энг кўп маош олувчи актрисага айланди. Актриса иштирокидаги фильмлар ҳозир ҳам юқори даромад келтиради.

Эмма Томпсон

Кўплаб томошабинлар Эмма Томпсонни «Гарри Поттер» ёки янги йил байрамларида намойиш этиладиган «Ҳақиқий севги» кинолфильмлари орқали ёдга олади. Актриса кинокартиналарда бош ролни ижро этмайди, бироқ бу эпизод роллар ҳам мухлисларнинг эътиборини тортади.

Актриса 60 ёшга тўлганидан кейин 3 та фильм ва 1 та телесериалда суратга тушган. Бу 2021 йилнинг энг машҳур фильмларидан бири «Круэлла» ва «Жонли эфир вақтида» ва «Қўнғироқдаги севги» кинокартиналаридир. У ҳозир 63 ёшда ва келгусида яна ижод қилишини рад этмаган.

Жиллиан Андерсон

Жиллиан Андерсон рол ўйнаган «Сирли материаллар» сериали катта машҳурликка эришган. Сериалнинг дастлабки 9 фасли 1993 йилдан 2002 йилгача эфирга узатилган. Актриса машҳурликка эришганидан кейин бош ролларни ижро этишни тўхтатди. Актрисанинг яна ижодга қайтишига сабабчи бўлган сериал 2016 йилдан бошлаб қайта суратга олинган ва актриса унда Скаллининг айғоқчисига айланади. Шундан кейин актриса турли ролларда ўзини синаб кўрди. У «Тож», «Биринчи хоним» сериаллардаги ролини маҳорат билан ижро этган.

Камерон Диас

Актриса иштирокидаги «Ниқоб», «Энг яхши дўстимнинг тўйи» каби муваффаққиятли фильмлар 90 йилнинг бошида намойиш этилди. У 26 ёшида кўпчиликнинг севимли фильмига айланган «Мерини деб ҳамма ақлдан озган» кинокартинасида рол ижро этди ва танқидчиларнинг эътирофига сазовор бўлди. Шундан кейин актрисанинг исми 2014 йилгача кино оламда тез-тез янграб турди. Камерон Диас 42 ёшида кинони тарк этганини ҳақида эълон қилди. Бироқ Камерон Диас 8 йиллик танаффусдан сўнг режиссёр Сет Гордон ва Netflix ҳамкорлигида суратга олинаётган «Ишга қайтиш» («Back In Action») комедиясида бош ролни ижро этаётганини маълум қилди. 

Жоди Фостер

Жоди Фостер ўзининг профессионал фаолиятини 3 ёшида модель сифатида бошлаган. Кейинчалик эса ўсмирларнинг севимли қаҳрамонига айланди. Актриса кино оламидаги илк дебютини 26 ёшида «Айбланувчи» фильмида ижро этди. Бироқ унинг кўплаб мухлислари «Қўзилар сукунати» фильмидаги Кларис Старлинг образи орқали танийди.

Катта муваффақиятдан сўнг актриса продюсерлик компаниясига асос солди. Унинг карьераси 2000 йилнинг бошида пасая бошлади ва студия ёпилишига тўғри келди. Ўшандан бери Жоди Фостер яна бир нечта эсда қоларли ролларни ўйнади, лекин у режиссёрликка кўпроқ эътибор бера бошлади. Яқинда Фостер «Ҳақиқий детектив» сериалининг 4-мавсумида асосий қаҳрамонни ўйнаши маълум бўлди.

Мавзуга доир: