Азамат Аҳроров илк фильмига битта уйнинг пулини сарфлагани ҳамда Сўғдиёна Азимова билан дўстлиги жанжалдан бошлангани ҳақида (видео)

Актёр, режиссёр Азамат Ахроров MY5 телеканалининг «Омон-Омон» кўрсатувига берган интервьюсида илк фильмига 30 минг доллар сарфлагани, актриса Сўғдиёна Азимова билан бирга ишлаш жараёни қандай бўлгани ҳақида гапириб берди.

Бюджети энг катта фильмларим «Нотаниш қотил-2», «Гуноҳ» кинофильми. Биринчи суратга олинган «Гуноҳ» фильмига 30 минг доллар маблағ сарфланган. Ўша вақтда 4-5 минг ёки 10 минг долларга битта кино олишарди.  Битта фильмнинг маблағини Улуғбек Қодировга берганман. Менга нима қиласан, битта кинога кетадиган пулни шу актёрга бериб, дейишган. Мен эса қарзга кирсам ҳам, пул тополмасам ҳам, шу инсон ўйнайди деганман.

Иккинчи энг кўп маблағ кетган фильмимда Жавоҳир Зокиров рол ўйнаган. Бу актёрнинг ҳам гонорари жуда катта, бундан ташқари, Алихон ва бошқа катта гонорар олган актёрлар ҳам бор эди. Кейин ташқи план учун ҳам катта маблағ сарфланаган. Фильмга кетган харажатлар ўзини оқлади. Бирорта фильмим даромадсиз бўлмаган.

Азамат Ахроров, актёр ва режиссёрАктёр у билан бирга ишлаган актрисалар ичида энг ёққани ҳам, ёқмагани ҳам Сўғдиёна Азимова бўлганини таъкидлади. Бундан ташқари, актриса билан бирга суратга тушган «Қайсаргинам» кинофильми рейтинги баланд кинофильмлардан бири эканини айтган.

«Охирги икки йил ичида кўп актрисалар билан бирга ишладим. Энг ёққани ҳам, энг ёқмагани ҳам Сўғдиёна бўлган. Биринчи фильмимнинг суратга олиш ишларида бир воқеа бўлган. Мен сценарийни кўпроқ ўқирдим, Сўғдиёна эса импровизация қиларди. Бу эса ўзгариш бўлишига олиб келарди, мен унга сценарийни ўқисанг бўлмайдими деганимда, келишмай қолганмиз, у бу актёр билан рол ўйнамайман деган. Кўчада қаттиқ уришиб қолганмиз. Кейин қанақа рол ўйнасанг ҳам, майли деганман. Шу воқеадан кейин биз у билан яқин бўлиб кетдик. Сўғдиёна билан 4 та фильмда бирга рол ўйнаганман. У билан бирга ўйнаган ‘Қайсаргинам’ фильмига кимдирлар бошқача муносабат билдириши мумкин, лекин ҳалигича рейтинги баланд. Фильмни YouTube’дан ўчириб қайта жойлаганмиз, шунда ҳам 20 миллиондан ортиқ кўрилган. Биринчи марта ўчириб юборганимизда 6 миллион марта кўрилганди, ҳозир умумий 25 миллионга етди. Бу дегани эса Ўзбекистон аҳолисининг 85-90 фоизи бу фильмни кўрган дегани. Халқимизга ёққан. Ҳалигича мендан 3-қисмини олишни сўрашади», — дейди актёр.

Мавзуга доир:

• Instagram: Озод Хуррамовнинг дабдабали туғилган куни, бир ўлимдан қолган Азамат Аҳроров, мухлисларини ҳайрон қолдирган Феруза Жуманиёзова
• Instagram: Азамат Аҳроровнинг уйлангани ва икки фарзанди борлиги маълум бўлди, Севара Солиева учинчи марта она бўлди, рафиқасига янги машина совға қилган Шароф Муқимов