Фронт чизиғидаги ярадор аскарлар. Кременчугда дафн маросими. Урушнинг 127-кунидан фоторепортаж
30 июнь куни Россия Мудофаа вазирлиги Одесса яқинидаги Змеиний оролидан қўшинларини олиб чиқиб кетди ва буни Украинадан озиқ-овқат экспорти йўлагини ташкил этишга хайрихоҳлик белгиси сифатида талқин қилди. Кременчугда «Амстор» савдо марказининг ўққа тутилишидан ҳалок бўлгалар дафн этилди. Донбасс шимолида жанглар давом этмоқда — аҳоли ертўлаларга яшириниб, ичимлик сувини заҳиралаб қўйишга мажбур бўлмоқда. Meduza урушнинг 127-кунига оид асосий суратларни эълон қилди.
Лисичанск
Фронт чизиғидан олинган фотосуратлар бир неча кунга кеч узатилди. Лисичанск яқинидаги кадрлар The Washington Post мухбири Хайди Левин томонидан 26 июнь куни олинган. Суратларда — Украина ҳаво-десант қисмининг яраланган аскарлари. Аскарлар Верхнекаменское қишлоғига кираверишда Россиянинг кассетали ўқлари билан юзма-юз келди. Саккиз киши жароҳатланган, икки кишининг ахволи оғир. Лисичанск учун жанглар давом этмоқда. 1 июль куни Украина Қуролли кучлари Бош штаби Россия «асосий саъй-ҳаракатларини» Лисичанск вилоятидаги Украина Қуролли кучларини жануб ва ғарбдан ўраб олиш ҳамда Луганск вилояти устидан тўлиқ назорат ўрнатишга қаратаётгани ҳақида хабар берди.
Фото: The Washington Post/ Хайди Левин
Фото: The Washington Post/ Хайди Левин
Фото: The Washington Post/ Хайди Левин
Фото: The Washington Post/ Хайди Левин
Донбасс шимоли
Славянскда фелдшер Россия ўқларидан азият чеккан ярадорга ёрдам бермоқда. 30 июнь куни ҳарбий-фуқаролик маъмурияти раҳбари Вадим Ляхнинг сўзларига кўра, шаҳар кассетали ўқлардан штурм қилинди. Оқибатда олти киши жароҳатланган.Фото: AP Photo
Северск аҳолиси қудуқдан сув ташимоқда. 1 июль куни «ТАСС» Россия ва ЛХР қўшинлари шаҳарга яқинлашаётгани ҳақида хабар берди.Фото: AFP
Северсклик 90 ёшли қария бошпана сифатида фойдаланилаётган подвалда.Фото: AFP
Северодонецкдаги «Азот» кимё заводи. 27 июнь куни завод ЛХР халқ милицияси ва Россия ҳарбийларининг тўлиқ назоратига ўтди. 30 июнь ҳолатига «Азот» ҳудудида мингга яқин одам қолган, дея хабар беради ЛХР Ички ишлар вазирлиги.Фото: Reuters
Кременчуг
Кременчугдаги «Амстор» савдо маркази Россия ракетаси билан ўққа тутилиши чоғида ҳалок бўлган Андрей Красюкнинг дафн маросими. Савдо марказига қилинган ҳужумда 18 киши ҳалок бўлган.Фото: EPA
Змеиний ороли
Змеиний оролининг сунъий йўлдошдан олинган тасвири. Оролнинг шимолий қисмида ёнаётган машиналар ва биноларнинг тутуни кўринади. 30 июнь куни рус қўшинлари ортга чекинди ва оролни тарк этди. Россия томони буни Украинадан озиқ-овқат экспорти йўлагини ташкил этишга хайрихоҳлик белгиси деб талқин қилди.Фото: Maxar Technologies
