Қозоғистоннинг Туркистон вилоятида ноқонуний равишда каврак ўсимлигини териш билан шуғулланиб келган 51 нафар хорижлик фуқаро аниқланди, деб хабар беради “Zakon.kz”.
«Ўтрор тумани полиция бўлими ходимлари томонидан ўтказилган профилактика тадбирлари давомида Қорақўнғир қишлоқ округи дашт кенгликларида шифобахш кавракни йиғиш билан шуғулланган 51 нафар хорижлик аниқланди. Уларнинг 31 нафари — Ўзбекистон, 17 нафари эса Тожикистон фуқароларидир», — дейилади хабарда.
Қозоғистон полицияси ҳолат бўйича маъмурий баённома расмийлаштирган ва суд қарорига кўра хориж фуқаролари мамлакатдан чиқариб юборилган.
Эслатиб ўтамиз, апрель охирларида Ўзбекистонда «Республикада каврак етиштиришни ривожлантириш ва саноатлаштиришни рағбатлантиришга доир қўшимча чора-тадбирлар тўғрисида»ги президент фармони қабул қилинганди. Фармон билан «Каврак етиштирувчилар ва экспорт қилувчилар» уюшмаси «Яйлов хўжалигини ривожлантириш» уюшмасига қўшиб олинган. Фармон билан 2022–2026 йилларда яйлов ер майдонларида каврак плантацияларини барпо этишнинг прогноз кўрсаткичлари тасдиқланган эди.
Изоҳ (0)