Россиянинг «ЗУМК» компанияси Ўзбекистондаги «Деҳқонобод калий заводи»дан (ДКЗ) 18 млн доллар ундирди. Бу ҳақда Коммерсант хабар берди.
«ЗУМК» вакиллари судланувчининг қарзни ихтиёрий равишда тўлашига шубҳа қилмоқда. Уларнинг фикрича, бу борада Россия ва Ўзбекистон ҳукуматлари келишиб олишлари мумкин. Мутахассисларга кўра, қарор ижроси кечиктирилиши мумкин.
2020 йилда «ЗУМК» «Деҳқонобод калий заводи’’ давлат корхонасидан 33,4 млн доллар ундириш тўғрисида Россия Савдо-саноат палатаси ҳузуридаги Халқаро тижорат арбитраж судига ариза билан мурожаат қилган.
Ўзбекистонда компания ДКЗ учун калий заводи қураётган эди. Объэктнинг биринчи босқичи бўйича шартнома 2007 йилда тузилган бўлиб, унинг миқдори 56 млн долларни ташкил этган.
Силвинит рудасини қазиб олишни ташкил этиш бўйича тажриба-синов ишларида Перм компанияси ҳам жалб қилинган. 2011 йилда «ЗУМК» Ўзбекистон томони билан заводнинг иккинчи босқичини ва тажриба-синов ишларининг янги босқичини қуриш бўйича шартнома имзолади.
Россия компанияси объэктдаги ишларнинг умумий қийматини 122 млн доллардан ортиқ деб баҳолаган.
2012 йилда заводда авария юз берган, шундан сўнг шахталардан бирини сув босиши хавфи пайдо бўлган. Унинг оқибатларини бартараф этишда ЗУМК мутахассислари иштирок этган.
Томонлар молиявий муносабатларни савдо ваколатхоналари, Россия Саноат ва савдо вазирлиги ва Ўзбекистон Вазирлар Маҳкамаси даражасида тартибга солишга ҳаракат қилган.
Шу билан бирга, томонлар судларда муносабатларни тартибга солган. Тошкент шаҳар судлари тажриба-синов ишлари бўйича тузилган шартномаларни ҳақиқий эмас деб топган, натижада «ЗУМК» пул олмаган.
2018 йилда «ЗУМК» компаниясига нисбатан банкротлик тўғрисидаги иш юритиш тартиби жорий этилган.
2019 йилда арбитраж суди банкротлик бўйича ДКЗнинг Россия компаниясига 6,1 млн доллардан ортиқ қарзини тиклаш тўғрисидаги аризасини қаноатлантирган.
Энди рўйхатга олинган кредиторлар олдидаги қарз миқдори қарийб 1 миллиард рублни ташкил этади.
Даъволар иккала компания томонидан Россия Савдо-саноат палатасида Халқаро тижорат арбитражига тақдим этилган.
«Деҳқонобод калий заводи» акциядорлик жамиятининг қарши даъволари қарийб 200 млн долларни ташкил этади. Унга кўра, «ЗУМК» лойиҳалашда хатоликка йўл қўйган, ишларнинг нархини ошириб кўрсатган.
Россия корхонаси бажарилган ишлар, бахтсиз ҳодисани бартараф этиш учун қарзларни, шунингдек, уни вақтида тўламаганлик учун жарима ундирди.
Натижада ҳар икки томоннинг даъволари қисман қаноатлантирилди. Суд ДКЗдан 18 миллион доллардан ортиқ маблағ ундирди, шунингдек, Ўзбекистон компанияси «ЗУМК» билан шартномани тўғри бекор қилганини тан олди.
Изоҳ (0)