АҚШ Халқаро тараққиёт агентлиги (USAID) Қорақалпоғистонда қишлоқ аёллари ва қизлари учун ахборот-коммуникация технологиялари (АКТ) бўйича кенг қамровли ўқув дастури — IT-Women’ни ишга туширди. Бу ҳақда АҚШ элчихонаси матбуот хизмати хабар берди.
Дастур аёлларга кенг кўламли бандлик ва тадбиркорлик имкониятларидан фойдаланиш имкониятини берувчи муҳим АКТ кўникмаларини ўргатади.
Ўзбекистондаги қишлоқ аёллари кўпинча Wi-Fi ёки мобил интернет каби рақамли технологиялардан фойдалана олмайди. Бу эса уларнинг расмий иш ёки бизнесда мартаба билан шуғулланиш имкониятларини чеклайди.
USAID’нинг 2022 йил январь ойида якунланган Рақамли экотизимлар бўйича мамлакатни баҳолаш (DECA) ҳам аёлларнинг технологияга қизиқиши ва улардан фойдаланиши билан боғлиқ ижтимоий меъёрлар уларнинг кириш, қабул қилиш, таълим ва иш имкониятларига путур етказишини аниқлади.
УНИCЕФ маълумотларига кўра, Ўзбекистонда 14 ёшдан 30 ёшгача бўлган ёш аёллар ва қизларнинг 68,1 фоизи интернетдан ҳеч қачон фойдаланмаган. Бу ўша ёшдаги эркакларникидан қарийб икки баробар кўп (34,3 фоиз).
Бу бўшлиқни тугатиш Ўзбекистон ва АҚШ ҳукуматларининг умумий устувор йўналиши ҳисобланади.
Ушбу дастур қишлоқ аёлларига алоҳида эътибор қаратган ҳолда Ўзбекистонда рақамлаштиришда гендер тафовутини бартараф этишга ёрдам беради, — деди USAID’нинг Ўзбекистондаги миссияси директори Микаела Мередит.Рақамли ва тадбиркорлик кўникмаларини ривожлантириш орқали қишлоқ аёллари электрон тижоратда иштирок этишлари, маҳсулотларни глобал ва маҳаллий платформалар орқали сотишлари, ўз бизнесларини илгари суриш учун ижтимоий тармоқлардан фойдаланишлари мумкин бўлади.
Аёлларнинг иқтисодий имкониятларини кенгайтиришга сармоя киритиш гендер тенглигига эришиш, қашшоқликни камайтириш, инклюзив ва барқарор иқтисодий ўсишни таъминлашнинг калитидир, — дея қўшимча қилди у.«IT-Аёллар — Қорақалпоғистон» пилот дастури бўлиб, у ижтимоий медиа маркетинги ва график дизайн бўйича мослаштирилган тренинглар, қизлар ва аёллар учун АКТ секторида ишга жойлашиш ва амалиёт ўташларини ҳамда дастур давомида мураббийлик ёрдамини таъминлайди.
Олтмиш нафар аёл ва ёшлар IT-Park кўмагида Нукус шаҳридаги IT академияси томонидан ўқитилади.
Ушбу дастур Ўзбекистондаги иқлим ўзгариши таъсирига учраган қишлоқ аёлларини бизнес кўникмалари, касбий таълим, микромолиялаш, мураббийлик ва бандлик дастурлари орқали қўллаб-қувватлаш учун USAID’нинг 1 млн долларлик ташаббусининг бир қисмидир.
Аввалроқ мутахассис ахборот технологиялари соҳасида аёлларнинг роли ҳақида маълумот берилган эди.
Изоҳ (0)