«Навбаҳор» футзал жамоаси вакиллари Олий Лига баҳсида ҳакамни калтаклади (видео)

Футзал бўйича Ўзбекистон олий лигасидан ўрин олган ўйинда ҳакамлар калтакланди.

12-тур доирасидаги «Металлург» ва «Навбаҳор» ўртасидаги ўйинда наманганлик футзалчилар ҳакамга қўл кўтарди. Дастлаб 20-рақамдаги Илҳом Юсупжонов ўзига қизил карточка кўрсатилганидан кейин ҳакамга қўл кўтарган. Шундан сўнг келишмовчиликка бошқа футзалчилар ҳам аралашди 6-рақамдаги Ғулом Мамажонов ҳам ҳакамга қарата зарба йўллади. Ушбу ҳодисадан кейин ўйин давом эттирилмади.

Ҳозирча Ўзбекистон профессионал футбол лигаси ушбу ҳодисага расмий муносабат билдиргани йўқ. Футзал чемпионатини ёритиб борадиган телеграм каналда ва Ёутубеъда трансляция қилинган шарҳда «Навбаҳор»га 5:0 ҳисобида техник мағлубият ёзилгани маълум қилинди.