Бешта вазн дивизионида собиқ Жаҳон чемпиони Флойд Мейвезер ва Дон Мур ўртасидаги кўргазмали жангнинг вақти яна ўзгарди.
45 ёшли Мейвезер ва 42 ёшли Мур ўртасидаги беллашув 14 май куни Дубай шаҳрида ўтказилиши лозим эди. Аммо БАА президенти Халифа ибн Зайд ал-Наҳаённинг вафоти сабаб, жанг бошқа санага қолдирилган эди.
Аввалига Мейвезер ўз Instagram саҳифасида Мур билан жанг 21 май куни ўтказилишини маълум қилганди. Аммо ташкилотчилар Мейвезер—Мур жангини 21-октябрга қолдиришга қарор қилди. Бунга БААнинг мотам ҳолатида экани сабаб сифатида кўрсатилган.
Маълумот учун, Флойд ушбу жангдан 10 миллион доллар гонорар олади. Шунингдек, пуллик трансляциялар сотувидан тушадиган 50% улуш ҳам боксчига тақдим этилади.
Мейвезер 2021 йилнинг июнида блогер Логан Полга қарши кўргазмали жангда иштирок этганди. Беллашувда ғолиб номи аниқланмаганди.
Изоҳ (0)