«2022–2026 йилларда халқ таълимини ривожлантириш бўйича миллий дастурни тасдиқлаш тўғрисида«ги президент фармони имзоланди. Бу ҳақда ЎзА хабар қилди.
Қайд этилишича, ҳужжатга биноан, айрим тоифадаги ўқитувчиларга ҳар ой қўшимча устамалар тўлаш белгиланди. 2022 йил 1 сентябрдан бошлаб Халқ таълими вазирлиги тизимидаги умумий ўрта таълим муассасаларида умумтаълим фанлари бўйича тегишли даражадаги сертификатга эга бўлган педагог кадрларга ҳар ойлик қўшимча устама тўланади. Устама халқаро тан олинган сертификатга эга бўлган педагог кадрларга уларнинг тариф ставкасига нисбатан 50 фоиз миқдорида берилади.
Халқаро стандартлар талабларига жавоб берадиган миллий баҳолаш тизимида олинган сертификатга эга бўлган педагог кадрларга уларнинг тариф ставкасига нисбатан 50 фоиз миқдорида тўланади. Бунда миллий баҳолаш тизимининг халқаро стандартлар талабларига жавоб бериши ваколатли халқаро ташкилотлар томонидан тасдиқланган бўлиши лозим.
Давлат тест марказининг миллий баҳолаш тизимида олинган сертификатга эга бўлган педагог кадрларга уларнинг тариф ставкасига нисбатан 20 фоиз миқдорида (чет тили бўйича сертификатлар бундан мустасно) устама (ҳар ойлик) тўланади.
- 2025 йил 1 январга қадар уларнинг тариф ставкасига нисбатан 50 фоиз миқдорида;
- 2025 йил 1 январдан бошлаб уларнинг тариф ставкасига нисбатан 20 фоиз миқдорида тўланади;
- ҳар ойлик қўшимча устама сертификат амал қилиш муддати давомида, лекин уч йилдан кўп бўлмаган вақт мобайнида тўланади;
- умумтаълим фанлари бўйича бир нечта сертификатга эга бўлган педагог кадрларга ҳар ойлик қўшимча устама юқорироқ устама олиш ҳуқуқини берувчи сертификат бўйича тўланади.
Мавзуга доир:
- «2022 йилдан ишга қабул қилинаётган чет тили ўқитувчиларидан миллий ва халқаро сертификатга эга бўлиш талаб қилинади» — Шавкат Мирзиёев
- Таълим инспекцияси малака тестида қатнашган рус тили ўқитувчилари эътирозига муносабат билдирди
- «Асоссиз тўланган 100 фоизлик устама бекор қилинган». Қашқадарё прокуратураси халқ таълими вазирига мурожаат йўллаган ўқитувчиларга жавоб берди
Изоҳ (0)