Бугун,

  • USD 11095.31
  • RUB 173.84
  • EUR 10772.44

2021 йилда акциз солиғи тушумлари 2020 йил билан солиштирганда 1,4 трлн сўмга ошди ва 13,1 трлн сўмни ташкил этди. Бу ҳақда Молия вазирлигининг давлат бюджети даромадларининг ижроси бўйича дастлабки натижаларидан маълум бўлди.

Фото: «Дарё» / Мадина Нурман

Фото: «Дарё» / Мадина Нурман

Тушумларнинг ошиши, асосан 2021 йил февраль ва октябрь ойларида солиқ ставкаларини ўртача 15 фоизга индексация қилиниши ҳисобига таъминланди. Бунда алокогол маҳсулотлари бўйича акциз солиғи тушумлари, ставкаларнинг индексация қилинишига қарамасдан 2020 йил даражасида сақланиб қолди.

Тамаки маҳсулотларига нисбатан акциз солиғи 2020 йилга қараганда 400 млрд сўмга ошиб 1,9 трлн сўмга етди. Табиий газ бўйича бу кўрсаткич 0,7 трлн сўмга ўсди ва 4,3 трлн сўмни ташкил қилди. Бензин, дизель ва газ учун акциз солиғи 0.8 трлн сўмга ошди ва 2,8 трлн сўм бўлди. 

Импорт қилишда ундириладиган акциз солиғи кескин камайиб, 858 млрд сўмдан 307 млрд сўмга тушиб кетди. Бундан ташқари мобил алоқа хизматларида ҳам бу кўрсаткич 0,1 трлн сўмга камайди.

Фото: Молия вазирлиги

Фото: Молия вазирлиги

Импорт қилишда акциз солиғи тушумининг камайиши унинг 2020 йил 1 августдан — транспорт воситалари учун ҳамда 2021 йил 1 январдан — 73 та товар позицияси (озиқ-овқат, электр техника товарлари ва бошқалар) учун бекор қилиниши билан боғлиқ.

Ушбу сабабларга кўра акциз солиғи солинадиган маҳсулотларни импорт қилиш ҳажми 978,6 млн АҚШ долларидан 557,6 млн АҚШ долларигача қисқарди. Шу билан бирга, алоҳида турдаги товарлар бўйича акциз солиғи бекор қилиниши уларнинг расмий импортини қонунийлаштиришга имкон берди. Бунда, масалан 2021 йилда колбаса маҳсулотлари импорти 2020 йилга нисбатан деярли 4 бараварга ўсган.

Аввалроқ Ўзбекистонда 1 апрелдан бошлаб чет элдан олиб кириладиган тиббий жиҳозлар ҚҚС ва божхона божидан озод қилиниши хабар берилган эди.

Изоҳ
Asosiy yangiliklar
Дунё
«Украинадаги урушни Россия бошламаган» — Путин (видео)
Маҳаллий
Ўзбекистонда давлат ташкилотлари машиналарига газ қуйиш вақтинча тақиқланди
Маҳаллий
Тошкентда Cobalt йўлдан ўтаётган она-болани уриб юборди (видео)