19—23 март кунлари Тошкент мўъжизага чулғанади. Дунёга машҳур ака-ука Сафроновлар пойтахтда ўзининг янги шоу дастурларини тақдим қилади.
Иллюзионист ва каскадёрлар хавфсизлик воситалари ёрдамидан фойдаланмаган ҳолда ҳайратланарли, ишониш қийин бўлган чиқишларни амалга оширишади. Ҳаммаси томошабинлар кўз ўнгида рўй беради.
Иллюзионист Сафроновлар — уч туғишган ака-укалар. Улар Россияда ўз ишининг биринчи рақамли усталари саналади. Қолаверса, бутун дунёда бу артистларнинг кўп миллионли мухлислари бор. Уларнинг шоусида ҳар қандай инсон томошабин сифатида иштирок этишни орзу қилади.
Ака-ука Сафроновлар Wizard Trophy халқаро фестивалида «Дунёдаги энг яхши катта иллюзия» совринини ва «Жаҳон иллюзия жанрига қўшган ҳиссаси учун» мукофотини қўлга киритган. Мукофот ҳар йили дунёнинг энг яхши кўзбоғловчилари ва фокусчиларига топширилади.
Қолаверса, айнан ака-укаларга «Дунё бўйича иллюзион шоу доирасида бир вақтнинг ўзида энг кўп муаллақ турганлар» жаҳон рекордини ўрнатиш насиб қилган. Ака-ука Сафроновлар Яндекс.Афиша дастурида 10 дан 9,9 балл кўрсаткич билан энг юқори рейтингга эга. Буларнинг барчаси уларни жаҳон кўзбоғловчилари ичра етакчилардан эканини кўрсатади.
Тошкентда таниқли санъат усталари ҳайратланарли даражада сеҳрли томошалар кўрсатишлари кутилмоқда. Томошанинг ўзига хослиги қайта такрорлаб кўришга ҳеч кимнинг ҳадди сиғмайдиган янги, бетакрор чиқишлардагина эмас. Сафроновларнинг мўъжизакор шоуси нафақат катталар учун, балки болалар учун ҳам мўлжаллангани билан ажралиб туради.
Тошкентлик томошабинларни арралаш, шишалар узра юриш, найзалар санчиш каби томошалар кутмоқда. Улар қаторида левитация, фикрни ўқиш, телепортация билан боғлиқ чиқишлар ҳам бор. Кўзни қамаштирувчи махсус эффектлар ва нур ўйинлари шоуни ҳашаматли томошага айлантиради.
Арралаш — дунё бўйлаб ака-ука Сафроновлардан бошқа бирор иллюзионист бажармайдиган чиқиш. Уч киши иштирокидаги бу кўринишда энг замонавий технологиялардан фойдаланилади. Айнан шу чиқишлари учун Сафроновлар Wizard Trophy халқаро иллюзионистлар фестивалида «Дунёдаги энг яхши катта иллюзия» номинацияси бўйича биринчи ўринни эгаллаган.
Мўъжизакор шоу Наврўз умумхалқ байрами, шунингдек, мактаб ўқувчиларининг таътил кунлари — 19, 20, 21, 22 ва 23 март саналарида Тошкентдаги А. Навоий номидаги киночилар уйида бўлиб ўтади. Таниқли иллюзионистларнинг шоуси болалар учун ҳам, уларнинг ота-оналари учун ҳам қизиқарли бўлишига шубҳа йўқ.
Тўлиқ қайта таъмирланган ва жиҳозланган А. Навоий номидаги киночилар уйи эндиликда ана шундай шоу томошалар учун жуда муносиб маскан.
Чипталар myticket.uz сайти ва Киночилар уйи кассаларида.
Маълумот учун телефон: +99895 169 87 87
Реклама ҳуқуқи асосида.
Изоҳ (0)