ОКМК мутахассислари Андижон механика заводи билан ҳамкорликда Ўзбекистонда биринчи маротаба 15—1482 моделидаги ихтисослаштирилган юк вагонининг янги турини ишлаб чиқаришни ўзлаштиришди.
Маълумки, саноатнинг технологик жараёнларида, хусусан, конларда портлатиш ишларида кимёвий моддалар қўлланилади. Уларни ташиш учун ихтисослашаган юк вагонларига бугун талаб катта.
Кимёвий реагентларга бўлган талабнинг ортиши, шунингдек, валюта маблағларини тежаш мақсадида, комбинат раҳбарияти томонидан аммиакли селитрани ташиш учун мўлжалланган вагон-цистернани маҳаллий ишлаб чиқарувчилар билан ҳамкорликда Ўзбекистонда ишлаб чиқариш ва харид қилиш масаласи ўрганиб чиқилди.
ОКМК темир йўл транспорти ва логистикаси бўлими бошлиғи Умар Мавлянқуловнинг маълумотига кўра, ўтган 2021 йилнинг охирида темир йўл транспорти ва логистикаси бўлими ва ОКМК портлатиш материаллари заводи мутахассислари Андижон механика заводи вакиллари билан биргаликда цистерна ишлаб чиқариш учун зарур техник иқтисодий асослар ўрганиб чиқилди. Вагон-цистернанинг портловчи моддалар реагентлари ташилиши инобатга олиниб, хавфсизлик талаблари ҳисобга олинди. Аммиакли селитрани ташиш учун изотермик вагон-цистернани ишлаб чиқариш бўйича техник ҳужжатлар ва техник ечимлар, конструкторлик ва технологик чизмалар ишлаб чиқилиб, келишилди.
Эътиборлиси, бундай вагон-цистернани Ўзбекистонда илк маротаба ишлаб чиқарилмоқда.
Жорий йилнинг февраль ойи якунида, биринчи вагон-цистерна комбинат темир йўлларга етиб келди ва фойдаланишга топширилди. Эндиликда бу вагон-цистерналар комбинатнинг «Қалмоққир» ва «Ёшлик-1» конига кимёвий моддаларни ўз вақтида етказилишини таъминлайди.
Маълумот шериклик ҳуқуқи асосида тайёрланди.
Изоҳ (0)