Transfermarkt портали 2021/22 йилги мавсум қишки трансфер ойнасида энг кўп пул сарфлаган ва энг кўп даромад қилган жамоалар рўйхатини эълон қилди.
Январь ойидаги трансфер ойнасида саудияликлар қўлига ўтган «Ньюкасл» энг кўп пул сарфлаган клуб бўлди. Инглиз жамоаси янги футболчилар учун 102 миллион евро сарфлади. А Серияда ишлари юришмаётган «Ювентус» 98 миллион евро билан иккинчи ўринни эгаллади. Туринликлар «Фиорентина» ҳужумчиси Душан Влаҳовични ўз сафига қўшиб олишга муваффақ бўлди. Ҳозирги кунда молиявий муаммолар гирдобида қолган «Барселона» эса 55 миллион евро сарфлаб, учинчи ўринни банд этди.
Қишки трансфер ойнасида энг кўп пул сарфлаган клублар:
1. «Ньюкасл» — 102 млн евро2. «Ювентус» — 98 млн евро3. «Барселона» — 55 млн евро4. «Ливерпуль» — 45 млн евро5. «Эвертон» — 38 млн евро6. «Астон Вилла» — 30 млн евро7. «Тоттенҳэм» — 29 млн евро8. «Фиорентина» — 28 млн евро9. «Зенит» — 27 млн евро10. «Уотфорд» — 25 млн евро.
Қишки трансфер ойнасида энг кўп даромад кўрган клублар рўйхатига кўра, Влаҳовични сотиб юборган «Фиорентина» 82 миллион евро билан биринчи ўринда турибди. «Манчестер Сити» 55 миллион евро билан иккинчи, «Порту» 49 миллион евро билан учинчи ўринни эгаллаган.
Қишки трансфер ойнасида энг кўп даромад кўрган клублар:
1. «Фиорентина» — 82 млн евро2. «Ман Сити» — 55 млн евро3. «Порту» — 49 млн евро4. «Лион» — 42 млн евро5. «Эвертон» — 30 млн евро6. «Бёрнли» — 30 млн евро7. «Ювентус» — 29 млн евро8. «Интернасионал» — 28 млн евро9. «Лилль» — 21 млн евро10. «Ривер Плейт» — 17 млн евро.
Изоҳ (0)