2022 йил 21 январь куни Болливуд юлдузи Приянка Чопра ва Ник Жонас кутилмаган янгиликни эълон қилди. Instagram’даги саҳифасида жуфтлик суррогат она орқали илк фарзанди дунёга келганини маълум қилди. Юлдузли жуфтликнинг яқиндагина дунёга келган фарзанди ҳақида яна нималар маълум?
New York Post инсайдерлари ёзишича, жуфтлик қиз фарзанд кўрган. Чақалоқ 2022 йил 16 январь куни, муддатидан 12 ҳафта олдин, яъни ҳомиладорликнинг олтинчи ойида туғилган.
Бола муддатидан олдин туғилгани сабаб барча кўрсаткичлар яхшилангунга қадар касалхонада қолиши керак. Қолаверса, Приянка ва Ник ҳам бу борада қизига ғамхўрлик қилиш учун вақт кераклигини таъкидлаган.
Приянка унинг турмуш ўртоғи билан суррогат онага мурожаат қилгани ҳақида айтганидан кейин ижтимоий тармоқларда уларда фарзанд кўриш билан боғлиқ муаммо борлиги тўғрисида баҳслар кўпайди.
Аммо жуфтликка яқин манба бу миш-мишларни рад этди. «Приянкада фарзанд кўриш билан боғлиқ муаммолар йўқ, лекин у ҳозир 39 ёшда ва айни вақтда иш билан банд. Шунинг учун улар суррогат оналик йўлини танлади. Бу аёлнинг бешинчи суррогат ҳомиладорлиги. Эр-хотин у билан танишди ва бир-бирига маъқул келди», — дейди у Daily Mail’га.
Эслатиб ўтамиз, Приянка Чопра ва Ник Жонас олти ойлик муносабатлардан кейин 2018 йилда турмуш қурган. Уларнинг тўйи насроний ва ҳиндуийлар урф-одатларига кўра, Жодхпурдаги Bhawan Palace саройида ўтказилган.
Мавзуга доир:
- Болливуд юлдузи Приянка Чопра фарзанд кўриш унинг энг катта орзуси эканлиги ҳақида сўзлаб берди
- Приянка Чопра Bvlgari брендининг янги махсус вакили бўлди
- Приянка Чопранинг Лос-Анжелесдаги уйи қандай кўринишга эга?
- Приянка Чопрани яқиндан билишга туртки бўлувчи у ҳақдаги аввал эълон қилинмаган 11 та маълумот
Изоҳ (0)