2022-yil 21-yanvar kuni Bollivud yulduzi Priyanka Chopra va Nik Jonas kutilmagan yangilikni e’lon qildi. Instagram’dagi sahifasida juftlik surrogat ona orqali ilk farzandi dunyoga kelganini ma’lum qildi. Yulduzli juftlikning yaqindagina dunyoga kelgan farzandi haqida yana nimalar ma’lum?
New York Post insayderlari yozishicha, juftlik qiz farzand ko‘rgan. Chaqaloq 2022-yil 16-yanvar kuni, muddatidan 12 hafta oldin, ya’ni homiladorlikning oltinchi oyida tug‘ilgan.
Bola muddatidan oldin tug‘ilgani sabab barcha ko‘rsatkichlar yaxshilangunga qadar kasalxonada qolishi kerak. Qolaversa, Priyanka va Nik ham bu borada qiziga g‘amxo‘rlik qilish uchun vaqt kerakligini ta’kidlagan.
Priyanka uning turmush o‘rtog‘i bilan surrogat onaga murojaat qilgani haqida aytganidan keyin ijtimoiy tarmoqlarda ularda farzand ko‘rish bilan bog‘liq muammo borligi to‘g‘risida bahslar ko‘paydi.
Ammo juftlikka yaqin manba bu mish-mishlarni rad etdi. “Priyankada farzand ko‘rish bilan bog‘liq muammolar yo‘q, lekin u hozir 39 yoshda va ayni vaqtda ish bilan band. Shuning uchun ular surrogat onalik yo‘lini tanladi. Bu ayolning beshinchi surrogat homiladorligi. Er-xotin u bilan tanishdi va bir-biriga ma’qul keldi”, — deydi u Daily Mail’ga.
Eslatib o‘tamiz, Priyanka Chopra va Nik Jonas olti oylik munosabatlardan keyin 2018-yilda turmush qurgan. Ularning to‘yi nasroniy va hinduiylar urf-odatlariga ko‘ra, Jodxpurdagi Bhawan Palace saroyida o‘tkazilgan.
Mavzuga doir:
- Bollivud yulduzi Priyanka Chopra farzand ko‘rish uning eng katta orzusi ekanligi haqida so‘zlab berdi
- Priyanka Chopra Bvlgari brendining yangi maxsus vakili bo‘ldi
- Priyanka Chopraning Los-Anjelesdagi uyi qanday ko‘rinishga ega?
- Priyanka Choprani yaqindan bilishga turtki bo‘luvchi u haqdagi avval e’lon qilinmagan 11 ta ma’lumot
Izoh (0)