Бугун,

  • USD 10920.28
  • RUB 177.49
  • EUR 11052.42

Филиппин суди Rappleр мухолифатчи нашрининг асосчиси Мария Ресса Нобель мукофотини шахсан олиш учун 10 декабрь куни Ослога бориши мумкинлиги ҳақида қарор чиқарди. Журналист Ослога сафари режасини тақдим этган, унда ватанига «зудлик билан қайтиши» кўрсатилган, деб ёзади CNN.

Фото: Reuters

Қарорда айтилишича, «мавжуд шароитда Ресса ҳеч қандай технология дастуридан фойдалана олмайди ва унинг Тинчлик бўйича Нобель мукофотини топшириш маросимида бўлиши зарурлиги асосли». Суд хулосасига кўра, журналистда мукофотни масофавий форматда олиш имконияти йўқ.

Филиппин бош прокуратураси Мария Рессанинг сафарига тўсқинлик қилишга уринди. Муассаса журналистнинг маросимда шахсан иштирок этиши мажбурий эмас деб ҳисоблади. Шунингдек, прокуратура журналистнинг 2012 йилда филиппинлик тадбиркор Вилфредо Кенгега нисбатан кибертуҳматда айбланиб, олти йиллик қамоқ жазосига ҳукм қилинганини, бироқ гаров эвазига қўйиб юборилганини эслатди.

Бундан ташқари, прокуратурада Ресса ушбу сафардан хорижда яшириниш учун фойдаланиши мумкинлиги ҳам айтилди. Муассаса бу позицияни журналист Rappleр нашрида унинг ҳукмини бир неча бор танқид қилгани билан далиллади.

«У онлайн журналда ўзининг кибер туҳмат бўйича судланганини доимий равишда муҳокама қилади. Бу нафақат фахрий судга, балки бутун адлия тизимига ҳурматсизликдан далолат беради. Аслида, бу ҳаракатлар билан Ресса бизнинг суд тизимимиз холис адолатни таъминлай олишига ҳалигача ишонмаслигини кўрсатади», — дейилади Филиппин бош прокуратурасида.

Филиппинлик журналист Мария Ресса тинчлик бўйича 2021 йилги Нобель мукофоти совриндорларидан бири. У мамлакатдаги сўз эркинлиги учун курашгани туфайли мукофотга лойиқ кўрилган 2012 йилда у мухолиф журналистик тадқиқотчи нашр Rappleръга асос солган. Унда Филиппин президенти Родриго Дутертенинг «гиёҳвандликка қарши уруши» фаол ёритилган. Мамлакатда Дутерте ҳукмронлигининг икки йили давомида гиёҳванд моддалар савдосида гумон қилинган 20 мингдан ортиқ одам қатл қилинган. Улардан аксариятининг айби исботланмаган.

Изоҳ
Асосий янгиликлар