Ҳар иккиси бир вазифани бажаришига қарамай, буғ дазмолнинг анъанавийсидан қандай афзалликлари бор экани ҳақида «Домашний очаг» журнали маълумот бериб ўтади.
Кийимга шикаст етказмайди
Одатий дазмол қилиш давомида эҳтиётсизлик қилиб кийимини куйдириб олмаган одам бўлмаса керак. Ундан фойдаланганда ҳарорат матога мос бўлиши, қизиб кетганда эса совишини кутиш керак. Аммо буғ дазмолда бундай муаммо кузатилмайди. Металлнинг қайноқ юзаси матога тегмагани учун у билан бундай муаммо бўлмайди.
Малака талаб қилмайди
Ҳамма ҳам одатий дазмол қилишни уддасидан чиқавермайди. Сочиқни текислаш осон бўлиши мумкин, лекин оқ кўйлак ва классик бичимдаги шим билан ҳаммаси бошқачароқ. Буғ дазмолда эса ҳаммаси осон. Бунинг учун кийим илгичга осилган либос бўйлаб қурилмани ҳаракатлантириш кифоя.
Ортиқча ҳаракат талаб қилинмайди
Вақт ўтиши билан анъанавий дазмол ичида кир тўпланиши мумкин. Йиғилган чанглар дазмол буғ чиқарадиган тугмани босгандан кейин ювилган кийим устига юқиши мумкин. Бу каби муаммоларнинг олдини олиш учун эса исталган брендга тегишли дазмолни вақти-вақти билан тозалатиб туриш керак. Буғ дазмолда эса бу ҳолат кузатилмайди.
Сақлаш осон
Оддий дазмол кўпроқ ишлатилиши мумкин, ундан фойдаланиш учун текис юза бўлиши керак. Буғ дазмолни эса қўлда тутиб ишлатиш, кейин эса оддий шкаф ёки столга қўйиб қўйиш мумкин. Қолаверса, уни чамадонга солиб, таътилга ўзингиз билан бирга олиб кетсангиз ҳам бўлади.
Ишлатиш осонроқ
Одатий дазмол қилиш учун юзанинг текис бўлишидан ташқари, юқори ҳароратга чидамли ҳам бўлиши керак. Буғ дазмолни ишлатиш эса қулайроқ ҳисобланади. Бунинг учун кийим илгичдаги либосни шкафнинг тепа қисмига илиб, матони бироз тортган ҳолда аппаратни у бўйлаб ҳаракатлантириш керак.
Кундалик образлар учун айни муддао
Иш жойингизда жиддий бир форма талаб қилинмаса, ҳамиша ҳам дазмол қилишга эҳтиёж бўлмаслиги мумкин. Аксарият кийимларни тартибга келтириш учун буғ дазмол кифоя қилади. Пахта ва лён сингари матолар истисно бўлиши мумкин. Аммо мато ғижим ва бироз нам бўлса, уни буғ билан текислаган яхши.
Мавсумий кийим-кечакларни текислаш учун қулай
Шкаф ичида узоқ вақт ётган жакет, джинси куртка ёки пальтони дазмоллаш бироз қийин бўлиши, жараёнда эса матога зарар етиши мумкин. Буғ дазмол эса бир зумда ушбу муаммони ҳал қилади. Анъанавий дазмолдан кўпроқ вақт хизмат қилади, балки девор гилам ва кафеллардаги кирларни бир зумда кетказади ҳам. Унинг ёрдамида пардани карниз (парда осишга мўлжалланган дор)дан ечмай туриб текислаш, мебель қопламасини тозалаши мумкин.
Мавзуга доир:
