Ёш онанинг Нобель мукофотига тавсия қилишга арзийдиган самарали лайфхаклари (фото)

Она бўлиш бир вақтнинг ўзида масъулиятли ва қизиқарли вазифадир. Баъзида ота-оналар қийин вазиятга дуч келади, чунки улар фарзандига доимо эътиборда бўлиши керак. Ёш она Лорен Мехиа ўзининг TikTok саҳифасида лайфхакларни тақдим этди, улар, масалан, болага ҳеч қандай муаммосиз дори-дармон ичиришга ва қисқа вақт ичида чап ва ўнг туфлини чалкаштирмасликни ўргатишга ёрдам беради.

Бола чап ва ўнг пойабзалларни чалкаштириб юборадими? Уларнинг ички қисмига расмни иккига бўлиб ёпиштириш тавсия этилади. Шу тарзда бола жумбоқни йиғади ва оёқ кийимни тўғри кийишга одатланади.

Агар болани тозалаш жараёнига жалб қилиш керак бўлса, пол тозалайдиган ускунани улар учун мос ҳолда кичрайтириб бериш мумкин.

Эластик тасмалар бола сочининг чигал бўлишига сабаб бўляптими? Уларга бир томчи лимонли эфир мойи сурилса, муаммо дарҳол бартараф этилади.

Болага кичик келган кийимларни ташлашга шошмаслик зарур. Уларни кесиб, янги кийим ҳосил қилиш мумкин.

Боланинг таглигини алмаштиришда халақит беришига йўл қўймаслик учун унинг қўлларини футболкасининг пастки қисмига ўраб қўйиш кифоя.

Дўкондан резина ўйинчоқ олиб келгач, уни дезинфекциялашдан олдин тешикларни елим билан ёпиш керак. Шундагина улар моғорламайди.

Болага дори ичириш муаммо бўлса, шприс ва сўрғич ёрдамида буни осонгина амалга ошириш мумкин. Шприс ичига дори тортилади ва учига сўрғич жойлаштирилади. Бола сўрғични торта бошлаганда, шприсдан дори юборилади.

Агар бола сут шишасини ушлаб туришда қийналаётган бўлса, уни ўйинчоғи ичига солиш мумкин.

Сайрга чиқаётганда иссиқ сув солинган термос олиш тавсия этилади. Шунда боланинг овқатини сувга солиб, тезда иситиш мумкин.

Боланинг тили тезроқ чиқишини хоҳловчилар оддий қутидан фойдаланиши мумкин. Унда боланинг товуши ажойиб тарзда янграйди ва бола тез орада гапира бошлайди.

Салфетка қадоғидаги қопқондан розеткани ёпиш учун фойдаланиш мумкин.

Бола таглигини алмаштиришдан аввал унинг қорнини артиб олиш ишни анча осонлаштиради.

Болаларга иссиқ овқат беришдан олдин уни кичик вентилятор ёрдамида совитиш мумкин.

Агар нам салфеткалар қадоқдан бир нечталаб чиқса, шунчаки қадоқнинг бир қисмига резина тасма тақиш кифоя.