Лига 1. «ПСЖ» Серхио Рамос дебют қилган ўйинда аутсайдер устидан иродали ғалабага эришди
Футбол бўйича Франция чемпионатининг 15-турида «ПСЖ» 28 ноябрь, якшанба куни «Сент-Этен» майдонида меҳмон бўлди.
Учрашувнинг 23-дақиқасида Дени Буанга майдон эгаларини олдинга олиб чиқди. Биринчи бўлим якунланиши арафасида «Сент-Этен» бир ўйинчи кам бўлиб қолди: Тимоте Колозейчак тўғридан-тўғри қизил карточкага лойиқ кўрилди.
Дастлабки бўлимга қўшиб берилган вақтда Маркиньос мувозанатни тиклади. 79-дақиқада Анхель ди Мария Париж клубининг иккинчи голини урди. Ҳакам томонидан қўшиб берилган дақиқаларда Маркиньос дублни расмийлаштирган ҳолда, якуний ҳисобни ўрнатди — 1:3.
Қайд этиш керак, ушбу баҳсда «ПСЖ» ҳимоячиси Серхио Рамос клуб сафида дебютини ўтказди. «Реал»дан эркин агент мақомида келган Рамос узоқ вақт жароҳатини тиклаш билан банд бўлди.
Ушбу ғалабадан кейин «ПСЖ» очколарини 40 тага етказиб олган ҳолда пешқадамликни мустаҳкамлади. Парижликлар энг яқин таъқибчидан 14 очкога ўзиб кетди.
Лига 1
15-тур баҳси
28 ноябрь, якшанба
«Сент-Этен» — «ПСЖ» 1:3
Голлар: 1:0 – 23 Буанга, 1:1 – 45 Маркиньос, 1:2 – 79 Ди Мария, 1:3 – 90+1 Маркиньос.«Сент-Этен»: Грин, Сиссоко (Мукуди, 46), Колозейчак, Наде, Трауко, Масон (Крассо, 87), Будебуз (Гурна-Дуат, 72), Камара (Калодат, 87), Аушиш (Юссуф, 46), Ҳазри, Буанга.
«ПСЖ»: Доннарумма, Ҳакими, Рамос, Маркиньос, Бернат, Ди Мария, Гуйе (Паредес, 75), Данилу Перейра, Месси, Неймар (Эбимбе, 88), Мбаппе.
Огоҳлантиришлар: Сиссоко (18), Будебуз (32), Бернат (33), Камара (35).
Четлатиш: Колозейчак (45).
