Ўзбекистонда сўнгги 10 йилда қурилиш ишларига қанча пул сарфлангани маълум қилинди

Ўзбекистонда 2021 йилнинг январь—октябрь ойларида жами 85,9 триллион сўмлик қурилиш ишлари бажарилган. Бу ҳақда Давлат статистика қўмитаси хабар берди.

Қайд этилишича, бажарилган қурилиш ҳажми ўтган йилнинг мос даври билан солиштирилганда 5,1 фоизга ошган.

Мамлакатда сўнгги 10 йилда бажарилган қурилиш ишлари ҳажми қуйидагича бўлган:

• 2010 йилда — 8,2 триллион сўм;
• 2011 йилда — 9,5 триллион сўм;
• 2012 йилда — 11,7 триллион сўм;
• 2013 йилда — 15,2 триллион сўм;
• 2014 йилда — 20,1 триллион сўм;
• 2015 йилда — 25,4 триллион сўм;
• 2016 йилда — 29,4 триллион сўм;
• 2017 йилда — 34,7 триллион сўм;
• 2018 йилда — 51,1 триллион сўм;
• 2019 йилда — 71,2 триллион сўм;
• 2020 йилда — 88,1 триллион сўм.

Давлат статистика қўмитаси маълумотларига кўра, 2021 йилнинг январь—октябрь ойларида қурилиш ишлари ҳажмининг ўсиш суръати 105,1 фоизни ташкил этди.