Бугун,

  • USD 11095.31
  • RUB 173.84
  • EUR 10772.44

13 ноябрь куни халқ депутатлари Қизилтепа тумани кенгашининг навбатдан ташқари сессияси бўлиб ўтди, деб хабар беради Навоий вилояти ҳокимлиги ахборот хизмати.

Фото: Навоий вилояти ҳокимлиги

Фото: Навоий вилояти ҳокимлиги

Маълум қилинишича, ташкилий масала кўриб чиқилган мазкур сессия ишида Навоий вилояти ҳокими вазифасини бажарувчи Нормат Турсунов сўзга чиқиб, туман ҳокими лавозимида ишлаб келаётган Шабон Набиевни бошқа ишга ўтгани муносабати билан вазифасидан озод этиш ҳамда туман ҳокими лавозимига Улуғбек Файзиевни тайинлаш тўғрисида қабул қилинган қарорини ўқиб эшиттирган.

Ушбу қарор халқ депутатлари Қизилтепа тумани кенгаши депутатлари томонидан маъқулланган.

Улуғбек Файзиев сенатор ва тадбиркор, Навоий шаҳридаги Zarafshan Golden Group МЧЖ таъсисчиси ҳисобланади. Ушбу компания Навоий вилоятида ва Тошкент шаҳрида кўп қаватли турар жой биноларини, шунингдек, ишлаб чиқариш объектлари, ички автомобиль йўлларини қуриш, боғчаларни таъмирлаш ва бошқа қатор қурилиш ишлари билан шуғулланади.

Аввалроқ Навоий вилояти ҳокими Қобул Турсунов соғлиғи туфайли ўз аризасига кўра вазифасидан озод этилгани, Шу вақтга қадар Тошкент шаҳар Давлат солиқ бошқармаси бошлиғи лавозимида фаолият юритиб келган Нормат Турсунов Навоий вилояти ҳокими вазифасини бажарувчи этиб тайинлангани тўғрисида хабар берилганди.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди