Сербиянинг Белград шаҳрида 26 октябрдан 6 ноябрга қадар бокс бўйича катталар ўртасида Жаҳон чемпионати бўлиб ўтди.
Мусобақада 13 хил вазн тоифасида жанглар ўтказилади. Ўзбекистон терма жамоаси ушбу турнирга тўлиқ таркиб билан йўл олади. Бу ҳақда Туризм ва спорт вазирлиги маълум қилди.
Қайд этиш керак, Рио Олимпиадаси кумуш медали соҳиби, жаҳон чемпиони Шаҳрам Ғиёсов ва Олимпия чемпиони Ҳасанбой Дўстматовлар таркибга жалб қилинган.
Шунингдек, қуйидаги боксчилар Жаҳон чемпионатига йўл олади: Нодиржон Мирзаҳмедов, Шаҳобиддин Зоиров, Миразизбек Мирзахалилов, Абдумалик Ҳалоков, Мужибулло Турсунов, Асадхўжа Мўйдинхўжаев, Саиджамшид Жаъфаров, Одилжон Аслонов, Шоҳжаҳон Абдуллаев, Мадиёр Саидраҳимов, Лазизбек Муллажонов.
Аввалроқ ЖЧ—2021 мукофот жамғармаси 2,6 миллион доллар бўлиши хабар қилинганди. Унга кўра, ғолиблар 100 минг, кумуш медал соҳиблари 50 минг ва бронзага эга чиққанлар 25 минг доллардан мукофот пулини қўлга киритади.
Эслатиб ўтамиз, 2019 йилда Россиянинг Екатеринбург шаҳрида бўлиб ўтган Жаҳон чемпионатида ўзбекистонлик боксчилар 3 та олтин, 1 та кумуш ва 1 та бронза медал билан умумжамоа ҳисобида биринчи ўринни қўлга киритганди. Шунингдек, Баҳодир Жалолов мусобақанинг энг яхши боксчиси деб топилганди.
2023 йилда бўлиб ўтадиган Жаҳон чемпионатига Ўзбекистон мезбонлик қилади.
Изоҳ (0)