Ҳинд актёр ва актрисаларидан кимлар тасвирга олиш жараёнида хавфли вазиятларга дуч келгани ҳақида маълумот бериб ўтамиз.
Ритик Рошан
Фото: Bollywoodtime
Актёр билан суратга олиш майдончаларида бир қанча бахтсиз ҳодисалар юз берган. «Оловли йўл» фильмида иштирок этиш жараёнида бел оғриғи безовта қилган. Энг оғир ҳодиса «Банг-банг» фильмининг суратга олиш жараёнида содир бўлган. Боши билан жароҳатланган актёрнинг миясига қон қуйилган. Оқибатда 2013 йилда жарроҳлик амалиёти бўлиб ўтган.
Кангана Ранаут
Фото: Bollywoodtime
«Тана ва Манунинг тўйи» фильмининг суратга олиш жараёнида Кангананинг ҳаётдан кўз юмишига бир лаҳза қолган. Мотоциклда кетаётган вақти йиқилиб тушган. Оёғини синдириб олганини айтмаса, бошқа жароҳат бўлмаган.
Шоҳрух Хон
Фото: Bollywoodtime
Бахтсиз ҳодисалар ва жароҳатларга кўниккан Болливуд қироли билан энг жиддий ҳодиса «Дон-2» фильмининг суратга олиш жараёнида юз берган. Актёрнинг занжирдан фойдаланишига тўғри келган, бирданига узилиб кетганидан кейин бўйин ва елка соҳасидан лат еган. Бу Шоҳрух Хон учун бошқалари билан солиштирганда оғриқли жароҳат бўлган.
Айшвария Рай
Фото: Bollywoodtime
Дунё гўзали «Қарз» фильмининг суратга олиш жараёнида вафот этишига бироз қолган. Сюжетга кўра актриса яқинига келган машина ундан бир неча сантиметр узоқда тўхташи керак бўлган. Аммо тормозни бошқариб бўлмагани ҳисобига машина уни уриб юборган. Оқибатда Айшвария оёғини синдириб, бир нечта кўкаришлар орттириб олган.
Акшай Кумар
Фото: Bollywoodtime
Карьераси давомида турли ҳолатлар кузатилган актёр «Безори Ратхор» фильмининг суратга олиш майдончасида елкасидан жароҳатланган. Аввалига эътибор бермаган Акшай оғриқ кучайганидан кейин танаффус олишга мажбур бўлган.
Амир Хон
Фото: Bollywoodtime
«Гажини» фильмида 100 килоли одамни кўтаришга бўлгани сабаб оёғидан жиддий жароҳатланган. Суратга олиш жараёни 3 ҳафтага қолдирилмаслиги учун у тикланиш учун дам олмасликка қарор қилган.
Салмон Хон
Фото: Bollywoodtime
Актёрнинг «Қидирилмоқда» фильмида орттириб қолган қўлидаги жароҳати «Қўрқмас» фильмининг суратга олиш жараёнида асоратларни намоён қилган. Оғриқ кучлилигидан Салмон тузалиб кетмагунича тасвирга олиш майдончасига қайтмаган.
Жон Абраҳам
Фото: Bollywoodtime
«Вадаладаги отишма» фильмининг сюжетига кўра Анил Капир Жонни 4,5 метр узоқликдан отиш ўрнига 1,5 метр масофадан отиб қўйган. Оқибатда Абраҳам елкасидан яраланган.
Амитабҳ Баччан
Фото: Bollywoodtime
«Ҳаммол» фильмининг суратга олиш жараёнида актёр билан боғлиқ ўта жиддий ҳодиса юз берган. Пуннит Иссар билан жанг қилаётган вақти столдан сакраш чоғида ичаги ёрилиб кетган. Анча қон йўқотган актёр бир неча ой мобайнида ўлим билан курашиб ётган. Амитабҳ тузалиб кетган, фильм эса мазкур ҳодиса сабаб шов-шув бўлган.
Мавзуга доир:
