Дунё ва ўзбек спортига оид 30 август кунининг муҳим хабарлари дайжести билан танишинг.
Ўзбекистон
Токиода Паралимпия ўйинлари ўтказилмоқда. 30 август куни ўзбекистонлик спортчилар 3 та медални қўлга киритди. Пара-енгил атлетиканинг F41 классида ядро улоқтириш баҳсларида Бобуржон Омонов 14,06 метр натижа қайд этган ҳолда паралимпия рекордини янгилади ва олтин медални қўлга киритди.Пара-енгил атлетиканинг F54 тоифасида ядро улоқтириш бўйича Нурхон Қурбонова 7,77 метр натижа қайд этиб, бронза медалига эга чиқди. Шоҳсанам Тошпўлатова эса пара-сузиш бўйича бронза медалини ўзиники қилди.
Жаҳон
Криштиану Роналду «Манчестер Юнайтед» учун тиббий кўрикдан ўтди, деб ёзмоқда Sky Sports.
Хабарда айтилишича, Манчестер клубига қайтган 36 ёшли португалиялик «қизиллар» билан 2 йиллик битим имзолайди. Шунингдек, шартномага уни яна бир йилга узайтириш ҳақида банд киритилади.
Роналду ҳафтасига 480 минг фунт стерлинг билан АПЛнинг энг кўп маош олувчи футболчисига айланади.
«Реал» ҳамон Киллиан Мбаппенинг трансферидан воз кечгани йўқ. Sky Sports журналисти Анжело Манжантенинг ёзишича, «қироллик клуби» ҳужумчи учун 200 миллион евро таклиф қилиш имкониятини кўриб чиқмоқда.
Аввалроқ Никола Скира мадридликлар Килиан учун 215 миллион бермоқчилиги ва футболчининг «Реал» билан 2027 йилгача мўлжалланган шартнома борасида келишувга эришгани ҳақида хабар берганди. Унгача «ПСЖ» «Реал»нинг 170+10 миллион евролик таклифини рад этганди. Ёзги трансфер ойнаси 31 август куни соат 00:00 да ёпилади.
«Манчестер Сити» ҳимоячи Рубен Диаш билан амалдаги шартномани узайтирди. «Шаҳарликлар» 24 ёшли португалиялик футболчи билан 2027 йилгача мўлжалланган янги битимни имзолаган. Футболчи ўтган мавсумда АПЛнинг энг яхши футболчиси деб топилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)