Америкалик қўшиқчи Биллий Айлиш YouTube’даги канали орқали Happier Than Ever: A Love Latter to Los Angeles номли концерт-фильмининг биринчи трейлерини эълон қилди. Унда Билли янги альбомидаги барча қўшиқларни ижро этган.
Фото: AP Photo
Трейлерда концертдан парча, шунингдек, қўшиқчининг ўзи тасвирланган анимацион қаҳрамон намойиш этилган. Уларни «Оскар» мукофоти совриндори Патрик Осборн яратган.
Суратга олиш ишларида Биллидан ташқари унинг укаси ва продюсери Финнеас О’Коннелл, Лос-Анжелес филармония оркестри ва болалар хори қатнашган. Фильм режиссёри Роберт Родригес.
«Лос-Анжелес борасида аниқ бир орзуларим бор. Менинг дунём билан чатишиб кетган мутлақо бошқача олам. Бу концерт-фильм, аммо шу билан бирга тарих ҳамдир», — дейди Айлиш трейлерда.
Қўшиқчининг фильми премьераси Disney+ да 3 сентябрда бўлиб ўтади.
Аввалроқ америкалик таниқли қўшиқчи Билли Айлиш «онасиники каби» соч турмаги билан мухлисларини ҳайрон қолдирганди.
