Гонконг ҳукумати мамлакатга учиб келган Николь Кидманга ўзини ўзи яккалаш режимига риоя қилмасликка рухсат берди. Суратга олиш ишлари учун учиб келган актриса «белгиланган профессионал иши»ни бажариши учун истисно қўлланилган, деб хабар беради Esquire.
Хориждан Гонконгга учиб келган фуқаролар махсус меҳмонхоналарда 7-21 кун ўзини ўзи яккалаши керак. Ушбу талаб ҳам хорижликлар, ҳам маҳаллий аҳолига тааллуқли. Бироқ ҳукумат Amazon стриминг-сервиси томонидан қўллаб-қувватланаётган «Экспатлар» сериалининг суратга олиш гуруҳи, Кидман ва бошқа актёрларнинг иштироки Гонконг иқтисодиётини қўллаб-қувватлаяпти деб ҳисоблаган.
Reuters’нинг ёзишича, кўплаб фуқаролар ҳукуматнинг бу каби қароридан норози бўлмоқда. Ижтимоий тармоқларда фойдаланувчилар коронавирусга қарши қаттиқ чекловлар сабаб улар деярли икки йилдан буён хориждаги қариндошларини кўргани бора олмаётганини ёзмоқда.
Гонконг ҳукумати 15 та давлатни, хусусан, АҚШ, Франция ва Испанияни коронавирус кенг тарқалган давлатлар рўйхатига қўшган. Ушбу давлатлардан Гонконгга фақат эмланган фуқаролар кела олади. Шу сабабли кўплар инсонлар чипталарини алмаштиришга ёки топширишга, шунингдек, меҳмонхоналарни 21 кунга бронлашга мажбур бўлган.
Изоҳ (0)