Бугун,

  • USD 11014.01
  • RUB 191.8
  • EUR 10674.78

Токио—2020 Олимпиадасининг 6 август кунги мусобақалари ўз якунига етди. Ёзги ўйинларнинг расмий 14-кунида 23 та медаллар шодаси ўйналди.

Эркин кураш бўйича Токио—2020 бронза медали совриндори Бекзод Абдураҳмонов

Эркин кураш бўйича Токио—2020 бронза медали совриндори Бекзод Абдураҳмонов
Фото: Туризм ва спорт вазирлиги

Медаллар умумий рейтингида Хитой ҳамон етакчилик қилмоқда. Бироқ хитойликлар медаллар сони бўйича АҚШдан ортда қолмоқда.

Ўзбекистон делегацияси 6 августда қўлга киритилган навбатдаги бронза медали эвазига ўз вазиятини яхшилашга муваффақ бўлди. Ўзбекистонликлар 2 тадан олтин ва бронза билан 35-поғонада бормоқда.

Марказий Осиё вакилларидан Қозоғистон (7 та бронза) 79-ўринда бораётган бўлса, Туркманистон (1 та кумуш) 75—78-ўриндан жой эгаллаган. Қирғизистон (2 та кумуш, 1 та бронза) 68-поғонада бўлса, Тожикистон ва Афғонистон ҳисобида медал йўқ.

Шу вақтга қадар жами 943 та медал (293 та олтин, 291 та кумуш ва 359 та бронза) ўз эгаларига топширилди. 89 та мамлакат вакиллари камида биттадан совринга эга бўлди. Шунингдек, 63 та делегация, жумладан, Ўзбекистон ҳам ўз ҳисобига олтин медал ёздириб қўйган.

Токио—2020 медаллар рейтинги (топ-10)

1. Хитой — 36-26-17 (79)

2. АҚШ — 31-36-31 (98)

3. Япония — 24-11-16 (51)

4. Буюк Британия — 18-20-20 (58)

5. РОҚ (Россия) — 17-23-22 (62)

6. Австралия — 17-6-21 (44)

7. Италия — 10-10-18 (38)

8. Германия — 9-11-16 (36)

9. Нидерландия — 9-10-12 (31)

10. Франция — 7-11-9 (27)

...

35. Ўзбекистон — 2-0-2 (4)

Медаллар умумий рейтинги билан ушбу ҳаволада танишиш мумкин.

Изоҳ
Асосий янгиликлар