Қимматга тушган муносабатлар: Анжелина Жоли, Мадонна ва бошқа юлдузлар ажрашиш учун қанча маблағ сарфлаган?

Севги билан бошланган ҳикоялар баъзида миллионларни йўқотиш билан якунига етиши мумкин. Қуйида келтирилган юлдузларнинг тақдири эса бунга яққол мисол бўла олади.

Анжелина Жоли ва Бред Питт

Анжелина Жоли фарзандларининг отаси Бред билан ажрашиш учун 2016 йилда судга даво билан мурожаат қилган. Актриса ва актёрнинг турмушига уч йилдан кейин нуқта қўйилган. Болаларга васийлик қилиш масаласи сабаб суд жараёнлари чўзилган. Адвокат Марк Капланнинг маълум қилишича, Жоли ва Питт фарзандларига васийлик қилиш ҳуқуқини қўлга киритиш учун катта маблағ сарфлаган. «Гап ҳар иккала томондан сарфланган миллионлаб доллар ҳақида кетяпти. Уларнинг иши бир неча йилга чўзилгани сабаб аниқ суммани айтиш қийин, рости. Васийлик учун қаттиқ курашдан кўра қимматлироқ нарса йўқлигини амалиётдан яхши биламан. Жараённинг ҳар икки иштирокчиси ҳам ўзига тўқ эканини ҳисобга олган ҳолда, буни Голливуднинг энг қиммат ажрашишларидан бири деб атаса бўлади», — деган Каплан.

Мадонна ва Гай Ричи

2000 йилдан 2008 йилгача бирга яшаган хонанда ва режиссёрнинг турмуши давомида Рокко исмли фарзанд дунёга келган. Жуфтлик ажрашишга қарор қилганида мол-мулкни бўлишиш масаласи муаммо бўлган. Гап шундаки, улар турмуш қурганида шартнома имзоламаган. Ҳар иккиси 300 миллион фунт стерлингни тенг бўлишади деб тахмин қилинган. Аммо Мадонна каттароқ миқдорда пулга эгалик қилишни истаб, шаҳзода Чарльзнинг малика Диана билан ажрашишига ёрдам берган адвокат Фиона Шеклтонни ёллаган. Оқибатда ажрашиш хонандага Британиядаги уйи ва паб билан қўшганда 50 миллион фунт стерлингга (76 миллион доллар) тушган. «Фикримча, бу ажрашиш учун энг катта миқдордаги тўловлардан», — деган қўшиқчининг матбуот котиби Лиз Розенберг.

Кети Холмс ва Том Круз

Кети «Уддалаб бўлмас топшириқ» юлдузи Том Круз билан 2012 йилда ажрашишга қарор қилган. У суд орқали собиқ турмуш ўртоғидан 4,8 миллион миқдорда маблағ ундиришга уринган. Бундан ташқари, Круз қизининг тиббий суғурта, ўқиш ва бошқа харажатларини ҳам тўлашига тўғри келган.

Тайгер Вудс ва Элин Нордегрен

Машҳур голфчи турмуш ўртоғи билан 2010 йилда ажрашган. Элин Тайгер унга 6 йил давомида хиёнат қилиб келаётганидан хабар топган. Умр йўлдошининг садоқатига шубҳаси бўлмаган аёл ҳақиқатни билганидан кейин шокка тушган. Ажрашиш жараёни давом этаётган вақтда Нордерген сезиларли даражада озиб кетган, уйқусида ҳам муаммо кузатилган, сочлари тўкилган. Тайгер эса собиқ рафиқасига компенсация сифатида 100 миллион доллар тўлаган.

Жефф Безос ва Маккензи Скотт

Amazon асосчиси рафиқаси билан 25 йиллик турмушидан кейин 2019 йилда ажрашишга қарор қилган. Миллиардер хиёнат қилишда айбланган. Жефф ва Маккензининг никоҳ шартномаси бўлмаган. Шунинг ҳисобига Скотт хоним 38 миллиард долларга эга бўлган. У қўлга киритган маблағини сахийлик билан сарфлай бошлаган. Турли хайрия ташкилотларига 8 миллиард доллар сарфлагани эса бунга исбот бўла олади.