Аҳволи яхшиланган россиялик хонанда Максим унга далда бўлган мухлисларига салом йўллади

Хонанда Максимни даволашда ижобий ўзгаришлар кузатилаётгани маълум бўлди.

Таъкидланишича, у уланган ЭКМО — экстракорпорал мембранали оксигенация аппарати (юрак ва ўпкалар ўз фаолиятини бажара олмайдиган даражада хаста бўлса, беморнинг ҳаёти ва организмини вақтинча қўллаб-қувватлаш мақсадида амалга ошириладиган махсус даволаш усули) ўчирилган, қўшиқчининг ози нафас олмоқда. Шифокорларнинг доимий назоратида бўлган Маринанинг менежери Маргарита Соколова у билан видеоалоқа орқали гаплашишга муваффақ бўлган.

https://www.instagram.com/p/CSG-6pys_5A/

«Марина билан шифокори орқали видеоалоқада гаплашдим. У уланган аппарат дарҳақиқат ўчирилган, кислородли ниқоб орқали нафас олмоқда ва ўзини анча яхши ҳис қилмоқда. Ўпкасида тикланиш кузатилмоқда. Мулоқот давомида у билан ҳазиллашдик ва кулишдик», — деб ёзган у Instagram саҳифасида. Тузалиш ҳақида гапиришга ҳали эрта экани, тикланишга узоқ вақт кетишига қарамай Максим ҳаммаси яхши бўлишига ишонмоқда. У бундай осон бўлмаган вақтда мадад бўлгани учун мухлисларига менежери орқали миннатдорчилик билдирган.

«Марина у учун қайғурганларга салом ва миннатдорчилигини йўллади. У мазкур қўллаб-қувватлашни ҳис қилган ва тез орада барчага шахсан миннатдорчилик билдиришга умид қилмоқда», — деган Соколова.

Аввалроқ Максим тахаллуси билан ижод қиладиган хонанданинг реанимацияда ногиронлар аравачасида ҳаракатланаётгани ва телевизор томоша қилаётгани ҳақида маълумот тарқалган. Аммо буларнинг бари тўқима бўлиб чиққан.

«Янгиликларда бироз бўрттириб юборишди — реанимация бўлимида телевизор йўқ ва уни шифокорлар аравачада олиб юрмаяпти. Биринчидан, бу тақиқланган, иккинчидан, эса шифокорлар беморларни касалхонада айлантириб юриш эмас ўз ишлари билан банд», — деган Маргарита.

Эслатиб ўтамиз, 2021 йилнинг 15 июнь куни шифохонага ётқизилган Маринанинг аҳволи ёмонлашгани туфайли унга сунъий нафас олдириш аппарати уланган. Кейинроқ яна бир оғир касаллик аниқланган ижодкорнинг аҳволи ёмонлаши сабаби нима билан боғлиқ экани ҳақида хабар берилган. Аҳволи оғирлашган Максимни комадан чиқаришнинг иложи бўлмаган.