Токио—2020 Олимпиадасининг 3 август кунги мусобақалари ўз якунига етди. Ёзги ўйинларнинг расмий 11-кунида 26 та медаллар шодаси ўйналди.

Оғир атлетикада олтин медалга эга чиққан ўзбекистонлик спортчи Акбар Жўраев

Фото: Getty Images

Медаллар рейтингида Хитой якка пешқадамликда давом этмоқда. АҚШ ва Япония ҳам таъқибчилардан сезиларли даражада ўзиб кетди.

Ўзбекистон делегацияси 3 августда қўлга киритилган навбатдаги олтин эвазига ўз вазиятини яхшилашга муваффақ бўлди. Ўзбекистонликлар 2 та олтин ва битта бронза билан 28-поғонада бормоқда.

Шу вақтга қадар жами 713 та медал (226 та олтин, 224 та кумуш ва 263 та бронза) ўз эгаларига топширилди. 84 та мамлакат вакиллари камида биттадан совринга эга бўлди. Шунингдек, 57 та делегация, жумладан, Ўзбекистон ҳам ўз ҳисобига олтин медал ёздириб қўйган.

Токио—2020 медаллар рейтинги (топ-10)

  1. Хитой – 32-21-16 (69)
  2. АҚШ – 24-27-21 (72)
  3. Япония – 19-6-11 (36)
  4. Австралия – 14-4-15 (33)
  5. Россия – 13-21-18 (52)
  6. Буюк Британия – 13-17-13 (43)
  7. Германия – 8-8-14 (30)
  8. Франция – 6-10-8 (24)
  9. Нидерландия – 6-7-7 (20)
  10. Жанубий Корея – 6-4-9 (19)

Фото: «Дарё»/ Ҳусан Собитов