Самарқанд вилоятида номи очиқланмаган 6 карра Ўзбекистон чемпиони 4 кунлик чақалоғини 2,5 минг АҚШ долларига сотаётганида ушланган. Бу ҳақда «Замон» информацион дастурида хабар қилинди.
Фото: «Дарё» / Мадина Нурман
Аниқланишича, 25 ёшли спортчи қиз ўзи билан бирга спорт машғулотига қатнайдиган йигитдан ҳомиладор бўлиб қолган.
Унга нисбатан суд ҳукми ўқилди. Жиноят кодексининг 135-моддаси 3-қисми «а» банди (ўн саккиз ёшга тўлмагани айбдорга аён бўлган шахсга нисбатан содир этилган одам савдоси) билан айбли деб топилди ва 4,5 йилга қамалди.
Бундан аввал Андижонда тўрт ойлик фарзандини 5200 долларга сотишга уринган аёлга суд ҳукми ўқилгани, Хоразмда уч нафар қизни Дубайга фоҳишалик қилиш учун жўнатишга уринган шахслар қўлга олингани ҳамда Тошкентда 1 ёшли фарзандини 5 минг долларга сотишга уринган эр-хотин ушлангани ҳақида хабар берилганди.
