Gross Insurance компанияси саёҳатчилар учун суғурта маҳсулотини такомиллаштирди. Дам олиш вақтида коронавирус билан касалланиш хавфи юқори бўлиб қолмоқда. Фақат июль ойининг ўзида компания ватандошларнинг хорижда COVID-19’ни юқтириб олиш билан боғлиқ 60 та суғурта ҳодисасини қайд этди ва тегишли тўловларни тўлаб берди. Бугун биз саёҳатчиларни суғурта қилиш полиси дам олиш чоғида сизни ва харажатларингизни қандай қилиб хатарлардан холи қилиши мумкинлиги ҳамда бегона юртда ПЗР жавоби мусбат бўлганда нималар қилиш лозимлиги ҳақида сўз юритамиз.
Пандемия туфайли дунёда юзага келган янги вазият ўз қоидаларини ўрнатмоқда. Кўплаб мамлакатларга киришнинг аллақачон зарур шартларига айланиб улгурган чипталар, виза ва суғурта полисининг мавжудлиги шартларидан ташқари, бугунги кунда ҳар гал мамлакатдан чиқаётганда юқумли касалликлар қўзғатувчиларини аниқлаш учун тест топшириш ёки аниқроқ айтганда, полимераза занжир реакцияси (ПЗР) таҳлилини ўтказиш зарур.
Манфий натижа чиқса, уйга қўрқмай, бехавотир қайтиш мумкин. Агар тест натижаси мусбат бўлиб чиқса, нарсалар аллақачон йиғиштирилган, меҳмонхонадаги брон тугаган, пуллар қолмаган, тил билиш эса юзаки бўлса, нима қилиш керак? Албатта, ўз суғурта компаниянгизга қўнғироқ қилишингиз лозим.
Gross Insurance суғуртаси агар саёҳатчига тиббий ёрдам зарур бўлиб қолса, унинг 60 000 евро доирасида харажатларини тўлаб беради. Ушбу маблағлардан 30 000 евро даволаниш учун, 28 000 евро транспорт харажатлари учун, 2000 евро саёҳатчи вафот этган тақдирда бир йўла тўланадиган тўлов учун ажратилади. Қандай ҳолатлар ҳақида гап кетмоқда?
Суғурта кечиктириб бўлмайдиган шошилинч ёрдам кўрсатиш учун мўлжалланган бўлиб, бунга шамоллаш, куйиш, офтоб уриши, барча турдаги суяк синишлари, кесилишлар, аппендицит ва шу кабилар киради. Шу билан бир қаторда, такомиллаштирилган суғуртада суғурта қопламасига саёҳатчида COVID-19 аниқланганда даволаш, касалхонага жойлаштириш харажатларини тўлаш ҳам киритилди. Ушбу ҳолатда компания фақат даволаш, алоҳидалаш ва яшаш учун 3000 еврогача миқдорда маблағ тўлаб беради. Бундан ташқари, компания сиз учун Тошкентга қайтиш чиптасини харид қилиб беради. Шуни ёдда тутиш муҳимки, ушбу пулларни компания касалхона, меҳмонхона ва авиакомпанияга тўғридан-тўғри ўтказиб беради, қўлга тўлаб бермайди.
COVID-19’га шубҳа қилинган тақдирда, саёҳатчи касалхонада ёки меҳмонхонада алоҳидаланади ва у ПЗР тестини топширади. Агар бемор тест топширишга суғурта компанияси томонидан йўналтирилса, натижалар 24 соат ичида тайёр бўлади. Агар саёҳатчи мустақил равишда топширса, натижалар 24—36 соат ичида тайёр бўлади. Симптомлар мавжуд бўлганида, даволаш тест натижаси олинишига қадар бошланади. Суғурта компанияси мазкур даволашни, касалхона ёки меҳмонхонага етиб келишни, саёҳатчи соғлиғини тиклаш учун буюрилган муолажалар ўтказилишини ташкиллаштиради ва тўлаб беради.
Агар саёҳатчида COVID-19 аниқланган бўлса, қайтиш чиптаси нима бўлади?
Илгари харид қилинган чипталар касалхонага жойлаштириш ёки алоҳидалаш туфайли «куйиб кетса», Gross Insurance суғурта қилинган шахсни доимий яшаш мамлакатига қайтишини ташкиллаштиради, ушбу ҳолатда компания агар бу мумкин бўлса, эски чиптани янгисига алмаштириш учун қўшимча суммани тўлаб беради ёки янги чипталарни харид қилиб беради.
Бундай суғурта полисининг суммаси қайси мамлакатга боришга, одамлар ва мамлакатда туриладиган кунлар сонига боғлиқ. Полис қийматини компаниянинг https://gross.uz/ru/product/travel-calc сайтида, «Мен COVID-19’дан ҳимояни хоҳлайман» бандини танлаган ҳолда, мустақил равишда ҳисоблаб чиқариш мумкин.
Эслатиб ўтамиз, Gross Insurance’да мижозларни қўллаб-қувватлаш учун 1166 қисқа рақами орқали дам олиш кунларисиз, сутка давомида кун-у тун амал қиладиган сервис хизмати назарда тутилган. Операторлар суғурта хизматлари тақдим этилиши билан боғлиқ барча саволларга жавоб беради.
Сайт: gross.uz
Instagram: gross.uzb
Facebook: fb.com/grossuz
Telegram: t.me/grossuzb
Telegram-бот: t.me/grossrobot
Реклама ҳуқуқи асосида.
Изоҳ (0)