Президент Шавкат Мирзиёев коронавирусга қарши тўлиқ эмланган. Бу ҳақда давлат раҳбарининг матбуот котиби Шерзод Асадов ОАВ вакиллари учун ўтказилган брифингда маълум қилди. Бу ҳақда Telegram’даги «Микрофон кўтарган аёл» канали хабар берди.

Фото: Президент матбуот хизмати

«Президентимиз масъулиятли фуқаро сифатида, албатта, вакцина олганлар. Ўша вақтда Ўзбекистонда 3 та вакцина рўйхатдан ўтган эди: ZF-UZ-VAC2001, AstraZeneca ва ‘Спутник V’. Президентимиз шу вакциналардан бири билан тўлиқ эмланганлар», — дея таъкидлаган Шерзод Асадов.

Аввалроқ Шавкат Мирзиёев ҳокимларга вакцинация бўйича ишларни қаттиққўллик билан назоратга олишни топширгани маълум бўлганди.

Маълумот учун, Ўзбекистонда 31 июль ҳолатига кўра, коронавирусга қарши жами 7,6 миллион дозадан ортиқ вакцина қўлланилган бўлиб, тўлиқ эмланган фуқаролар сони эса 1 211 019 нафарни ташкил қилмоқда.

Аввалроқ Шавкат Мирзиёев ҳокимларга вакцинация бўйича ишларни қаттиққўллик билан назоратга олишни топширгани маълум бўлганди.