«Дарё»ни Telegram’да ўқинг! Join!
20:55, 01.08.2021 31032

Скарлетт Йоханссон, Елена Малишева ва бошқа эгизаги бор машҳурлар (фото)

Эгизаги бор экани ҳақида ҳамма ҳам билавермайдиган шоу-бизнес вакиллари ҳақида маълумот бериб ўтамиз.

Александр ва Наталья Ревва

Фото: Cosmopolitan

Наталья машҳур хонанда ва комикдан 15 дақиқа аввал дунёга келган. Эгизаклар болалигидан бирга ўсиб-улғайган, рақс билан шуғулланган. Мактабда битта партада ўтириб таҳсил олган опа-укалар олий таълимда турли йўналишни танлашни афзал билган. Александр техника, Наталья эса хорижий тилларга бўйича ўқиган. Кейинчалик Наталья турмушга чиқиб Донецкка жўнаб кетган. Масофалар узоқ эканига қарамай эгизаклар бир-биридан доимий равишда ҳол-аҳвол сўраб туради.

Рами ва Сами Малек

Фото: Cosmopolitan

Эгизаклар 1981 йил 12 майда дунёга келган. Рами укаси Самидан нақ 4 дақиқага катта. Акасидан фарқли равишда кичик Малек санъатни эмас, инглиз тилидан ўқитувчилик қилишни маъқул билган. Ижтимоий тармоқларда саҳифаси мавжуд бўлмаган Сами ҳамиша акасини қўллаб-қувватлаб туради. У 2019 йилдаги «Олтин глобус» тақдирлаш маросимида акасининг ёнида бўлган.

Елена Малишева ва Алексей Шабунин

Фото: Cosmopolitan

Серфарзанд оилада ўсиб улғайган бошловчининг ундан атиги ярим соатга катта акаси борлиги ҳақида ҳамма ҳам билавермайди. Шабунин ҳам синглиси сингари карьера борасида тиббиёт соҳасини танлаган. Бугунги кунда у шифохонада жарроҳ сифатида фаолият олиб боради.

Скарлетт ва Ҳантер Йоханссон

Фото: Cosmopolitan

Актриса 22 сентябрда таваллуд кунини бир ўзи эмас, ундан 3 дақиқа кейин туғилган укаси Ҳантер билан бирга нишонлайди. 80 йилларда Йоханссоннинг ота-онаси тўртала фарзандини ҳам моделлик бизнесига киритишга ҳаракат қилган, аммо агентлар тўнғич фарзанд Эдрианнинг ўзини танлаш билан чекланган. Айнан шундан кейин Скарлетт актриса бўлишга қарор қилган. Ҳантер ҳам ўзини киносаноатда синаб кўрган, ҳатто опаси билан бирга суратга ҳам тушиб улгурган. Шундан кейин актёрлик у учун эмаслигини тушуниб етган ва сиёсатда ўзини топишга ҳаракат қилган. Барак Обама президент бўлишидан аввалги сайлов жараёнида Ҳантер етакчи мутахассислар жамоасида бўлган.

Линда ва Лесли Хемилтон

Фото: Cosmopolitan

Опа-сингилларнинг ўртасида 6 дақиқа фарқ бор: биринчи Лесли, кейин эса Линда дунёга келган. Линда болалигида опасига ўхшамаслик учун қўлидан келган ҳамма нарсани қилган: соч турмаги ва рангини ўзгартирган, киприкларини кесган, вазн тўплаган. Шифокорлар саломатлигида муаммо борлигини аниқлаганидан кейин эса улар бир-биридан айрилмаган. Кўриниши ўхшаш эканига қарамай опа-сингилларнинг касб борасидаги танловлари фарқли бўлган. Линда актрисалик, Лесли эса ҳамширалик қилишни маъқул билган.

Ева ва Жой Грин

Фото: Cosmopolitan

2 дақиқа фарқ билан туғилган эгизаклар, болалигиданоқ бир-биридан ажралиб туриш учун қўлидан келган ҳамма нарсани қилган. Уларнинг ҳар иккиси ҳам онаси — Марлен Жобер сингари актрисаликни танлаган. Шунчаки Еванинг машҳурликка эришиши учун Жойдан фарқли ўлароқ, кўп вақт кетмаган. Киносаноатдаги муваффақиятсизликдан кейин Жой адвокат сифатида фаолият юрита бошлаган. Бугунги кунда онаси билан илиқ муносабатда бўлган қизлар ўзаро бир-бири билан гаплашмайди.