Skarlett Yoxansson, Yelena Malisheva va boshqa egizagi bor mashhurlar (foto)

Egizagi bor ekani haqida hamma ham bilavermaydigan shou-biznes vakillari haqida ma’lumot berib o‘tamiz.

Aleksandr va Natalya Revva

Natalya mashhur xonanda va komikdan 15 daqiqa avval dunyoga kelgan. Egizaklar bolaligidan birga o‘sib-ulg‘aygan, raqs bilan shug‘ullangan. Maktabda bitta partada o‘tirib tahsil olgan opa-ukalar oliy ta’limda turli yo‘nalishni tanlashni afzal bilgan. Aleksandr texnika, Natalya esa xorijiy tillarga bo‘yicha o‘qigan. Keyinchalik Natalya turmushga chiqib Donetskka jo‘nab ketgan. Masofalar uzoq ekaniga qaramay egizaklar bir-biridan doimiy ravishda hol-ahvol so‘rab turadi.

Rami va Sami Malek

Egizaklar 1981-yil 12-mayda dunyoga kelgan. Rami ukasi Samidan naq 4 daqiqaga katta. Akasidan farqli ravishda kichik Malek san’atni emas, ingliz tilidan o‘qituvchilik qilishni ma’qul bilgan. Ijtimoiy tarmoqlarda sahifasi mavjud bo‘lmagan Sami hamisha akasini qo‘llab-quvvatlab turadi. U 2019-yildagi “Oltin globus” taqdirlash marosimida akasining yonida bo‘lgan.

Yelena Malisheva va Aleksey Shabunin

Serfarzand oilada o‘sib ulg‘aygan boshlovchining undan atigi yarim soatga katta akasi borligi haqida hamma ham bilavermaydi. Shabunin ham singlisi singari karyera borasida tibbiyot sohasini tanlagan. Bugungi kunda u shifoxonada jarroh sifatida faoliyat olib boradi.

Skarlett va Hanter Yoxansson

Aktrisa 22-sentabrda tavallud kunini bir o‘zi emas, undan 3 daqiqa keyin tug‘ilgan ukasi Hanter bilan birga nishonlaydi. 80-yillarda Yoxanssonning ota-onasi to‘rtala farzandini ham modellik biznesiga kiritishga harakat qilgan, ammo agentlar to‘ng‘ich farzand Edrianning o‘zini tanlash bilan cheklangan. Aynan shundan keyin Skarlett aktrisa bo‘lishga qaror qilgan. Hanter ham o‘zini kinosanoatda sinab ko‘rgan, hatto opasi bilan birga suratga ham tushib ulgurgan. Shundan keyin aktyorlik u uchun emasligini tushunib yetgan va siyosatda o‘zini topishga harakat qilgan. Barak Obama prezident bo‘lishidan avvalgi saylov jarayonida Hanter yetakchi mutaxassislar jamoasida bo‘lgan.

Linda va Lesli Xemilton

Opa-singillarning o‘rtasida 6 daqiqa farq bor: birinchi Lesli, keyin esa Linda dunyoga kelgan. Linda bolaligida opasiga o‘xshamaslik uchun qo‘lidan kelgan hamma narsani qilgan: soch turmagi va rangini o‘zgartirgan, kipriklarini kesgan, vazn to‘plagan. Shifokorlar salomatligida muammo borligini aniqlaganidan keyin esa ular bir-biridan ayrilmagan. Ko‘rinishi o‘xshash ekaniga qaramay opa-singillarning kasb borasidagi tanlovlari farqli bo‘lgan. Linda aktrisalik, Lesli esa hamshiralik qilishni ma’qul bilgan.

Yeva va Joy Grin

2 daqiqa farq bilan tug‘ilgan egizaklar, bolaligidanoq bir-biridan ajralib turish uchun qo‘lidan kelgan hamma narsani qilgan. Ularning har ikkisi ham onasi — Marlen Jober singari aktrisalikni tanlagan. Shunchaki Yevaning mashhurlikka erishishi uchun Joydan farqli o‘laroq, ko‘p vaqt ketmagan. Kinosanoatdagi muvaffaqiyatsizlikdan keyin Joy advokat sifatida faoliyat yurita boshlagan. Bugungi kunda onasi bilan iliq munosabatda bo‘lgan qizlar o‘zaro bir-biri bilan gaplashmaydi.