Козим Тўлаганов қурилиш вазирининг ўринбосари – Қурилиш соҳасида назорат инспекцияси бошлиғи лавозимидан озод этилди, деб хабар беради Telegram’даги «Нигоҳ» канали.
Маълумот учун, Козим Тўлаганов 2017 йилдан буён қурилиш вазирининг ўринбосари сифатида фаолият кўрсатиб келаётган эди.
Президентнинг 2021 йил 3 апрелдаги ПҚ-5053 сонли қарорига мувофиқ, 2021 йил 1 майдан бошлаб «Қурилиш вазирининг ўринбосари – Қурилиш соҳасида назорат инспекцияси бошлиғи» лавозими тугатилиб, «Қурилиш соҳасида назорат инспекцияси бошлиғи» лавозими жорий этилган.
Қурилиш вазирлиги матбуот хизматининг хабар беришича, Козим Тўлаганов бугунги кунда Қурилиш соҳасида назорат инспекцияси бошлиғи лавозимида фаолиятини давом эттирмоқда.
Шунингдек, Козим Тўлаганов (1949 йилда туғилган) 1994—2001 йилларда Тошкент шаҳрига, 2004—2005 йилларда эса Тошкент вилоятига ҳокимлик қилган, 2001—2004 йилларда Ўзбекистон бош вазири ўринбосари лавозимида меҳнат қилган.
Аввалроқ Тошкентнинг собиқ ҳокими Раҳмонбек Усмонов транспорт вазирининг ўринбосари лавозимидан озод этилгани, кўп ўтмай у Тошкент метрополитенига раҳбар этиб тайинлангани тўғрисида хабар берилганди.