Бугун,

  • USD 11014.01
  • RUB 191.8
  • EUR 10674.78

Шавкат Мирзиёев 2020 йилнинг 12—13 ноябрь кунлари Қашқадарё вилоятига қилган ташрифи давомида қашқадарёлик ёшлар билан ҳам учрашгани, мулоқот мобайнида давлат раҳбари Қарши давлат университети талабаси Шоҳида Жўраевага 2 хонали уй совға қилиниши таъкидлаганди. Қашқадарё вилояти ҳокимлиги матбуот хизматининг маълум қилишича, Шоҳида Жўраева оиласи билан «Ёшлар куни» арафасида замонавий хонадонга кўчиб ўтган ва Президентга ўз дил сўзлари ҳамда миннатдорчилиги битилган мактубни йўллаган.

Фото: Қашқадарё вилояти ҳокимлиги

Фото: Қашқадарё вилояти ҳокимлиги
Ассалому алайкум, ҳурматли Президентим! Мен қашқадарёлик ёш шоира ва психолог қизингиз Шоҳида Жўраеваман.

12—13 ноябрь саналарида Қашқадарёга қилган ташрифингиз чоғида сиз билан учрашишга ва ўз «Ёшлар психологик маркази» очиш таклифимни айтиш бахтига муяссар бўлдим. Ҳозирда ушбу марказ сизнинг қўллаб-қувватлашингиз ила Қашқадарёда тажриба сифатида амалга оширилмоқда.

Бу ҳаётда оила ва унинг тинчлигидан муҳимроқ нарса йўқлигига кўп маротаба амин бўлганман. Суйган инсонларим ёнимда юришлари, юртим тинчлиги мен учун бахт. Сиз учрашув давомида менга уй совға қилиб, уни олгач нома йўллашимни таъкидлаган эдингиз.

Бугун шу кунлар келди. Қарши шаҳар ҳокими сизнинг топшириғингизга кўра Қарши шаҳридаги «Наво» массивидаги кўп қаватли уйлардан бирини Президент совғаси сифатида менга ҳадя этди. Бунинг учун сизга чексиз миннатдорчилигимизни билдирамиз. Ҳурматли Президентим ушбу уйнинг илк меҳмони ўзингиз бўлишингизни «Халқ билан» лойиҳаси доирасида уйимизга ташриф буюришингизни жуда-жуда хоҳлардим.

Ҳурмат билан сизни кутиб қолувчи қашқадарёлик қизингиз Шоҳида.

Фото: Президент матбуот хизмати

Фото: Президент матбуот хизмати

Фото: Қашқадарё вилояти ҳокимлиги

Фото: Қашқадарё вилояти ҳокимлиги

Фото: Қашқадарё вилояти ҳокимлиги

Фото: Қашқадарё вилояти ҳокимлиги

Аввалроқ Президент Шавкат Мирзиёев «Ёшлар дафтари» орқали ўз ишини бошлаган Азиза Самиғовага 3 хонали уй совға қилгани тўғрисида хабар берилганди.

Изоҳ
Асосий янгиликлар