Shavkat Mirziyoyev 2020-yilning 12—13-noyabr kunlari Qashqadaryo viloyatiga qilgan tashrifi davomida qashqadaryolik yoshlar bilan ham uchrashgani, muloqot mobaynida davlat rahbari Qarshi davlat universiteti talabasi Shohida Jo‘rayevaga 2 xonali uy sovg‘a qilinishi ta’kidlagandi. Qashqadaryo viloyati hokimligi matbuot xizmatining ma’lum qilishicha, Shohida Jo‘rayeva oilasi bilan “Yoshlar kuni” arafasida zamonaviy xonadonga ko‘chib o‘tgan va Prezidentga o‘z dil so‘zlari hamda minnatdorchiligi bitilgan maktubni yo‘llagan.
Assalomu alaykum, hurmatli Prezidentim! Men qashqadaryolik yosh shoira va psixolog qizingiz Shohida Jo‘rayevaman.12—13-noyabr sanalarida Qashqadaryoga qilgan tashrifingiz chog‘ida siz bilan uchrashishga va o‘z “Yoshlar psixologik markazi” ochish taklifimni aytish baxtiga muyassar bo‘ldim. Hozirda ushbu markaz sizning qo‘llab-quvvatlashingiz ila Qashqadaryoda tajriba sifatida amalga oshirilmoqda.
Bu hayotda oila va uning tinchligidan muhimroq narsa yo‘qligiga ko‘p marotaba amin bo‘lganman. Suygan insonlarim yonimda yurishlari, yurtim tinchligi men uchun baxt. Siz uchrashuv davomida menga uy sovg‘a qilib, uni olgach noma yo‘llashimni ta’kidlagan edingiz.
Bugun shu kunlar keldi. Qarshi shahar hokimi sizning topshirig‘ingizga ko‘ra Qarshi shahridagi “Navo” massividagi ko‘p qavatli uylardan birini Prezident sovg‘asi sifatida menga hadya etdi. Buning uchun sizga cheksiz minnatdorchiligimizni bildiramiz. Hurmatli Prezidentim ushbu uyning ilk mehmoni o‘zingiz bo‘lishingizni “Xalq bilan” loyihasi doirasida uyimizga tashrif buyurishingizni juda-juda xohlardim.
Hurmat bilan sizni kutib qoluvchi qashqadaryolik qizingiz Shohida.
Avvalroq Prezident Shavkat Mirziyoyev “Yoshlar daftari” orqali o‘z ishini boshlagan Aziza Samig‘ovaga 3 xonali uy sovg‘a qilgani to‘g‘risida xabar berilgandi.
Izoh (0)