Волгоград вилоятида ичида Ўзбекисон фуқаролари бўлган автобус ағдарилиб кетиши оқибатида 13 нафар йўловчи жароҳат олди. Бу ҳақда Россия ИИВ вилоят бошқармаси матбуот хизмати хабар берди.
Фото: ИИВ Волгоград вилояти бошқармаси
Полиция маълумотларига кўра, Москва вақти билан соат 07:15 да Моксва—Волгоград автомобиль йўлининг 923-километрида «Газель» маркали автобус ҳайдовчиси бошқарувни йўқотган ва ариққа ағдарилиб кетган.
«Салонда 14 йўловчи бўлган — уларнинг барчаси Ўзбекистон фуқаролари», — дейилади хабарда. ЙТҲ оқибатида 13 киши турли даражадаги тан жароҳатини олган.
Аввалроқ Россияда қурилиш майдонида йиқилиб ҳалок бўлган 22 ёшли ўзбекистонликнинг жасади мамлакатга олиб келингани, Санкт-Петербургда Ўзбекистон фуқароси туғилган кунини нишонлаётган ҳамюртини пичоқлаб қўйгани, Ленинграддаги қурилиш майдонида 22 ёшли Ўзбекистон фуқароси баландликдан қулаб, вафот этгани тўғрисида хабар берилганди.
