Volgograd viloyatida ichida O‘zbekison fuqarolari bo‘lgan avtobus ag‘darilib ketishi oqibatida 13 nafar yo‘lovchi jarohat oldi. Bu haqda Rossiya IIV viloyat boshqarmasi matbuot xizmati xabar berdi.
Politsiya ma’lumotlariga ko‘ra, Moskva vaqti bilan soat 07:15 da Moksva—Volgograd avtomobil yo‘lining 923-kilometrida “Gazel” markali avtobus haydovchisi boshqaruvni yo‘qotgan va ariqqa ag‘darilib ketgan.
“Salonda 14 yo‘lovchi bo‘lgan — ularning barchasi O‘zbekiston fuqarolari”, — deyiladi xabarda. YTH oqibatida 13 kishi turli darajadagi tan jarohatini olgan.
Avvalroq Rossiyada qurilish maydonida yiqilib halok bo‘lgan 22 yoshli o‘zbekistonlikning jasadi mamlakatga olib kelingani, Sankt-Peterburgda O‘zbekiston fuqarosi tug‘ilgan kunini nishonlayotgan hamyurtini pichoqlab qo‘ygani, Leningraddagi qurilish maydonida 22 yoshli O‘zbekiston fuqarosi balandlikdan qulab, vafot etgani to‘g‘risida xabar berilgandi.
Izoh (0)