Футбол бўйича Евро—2020 мусобақасининг 1/8 финалида Италия ва Австрия терма жамоалари 26 июнь, шанба куни ўзаро баҳс юритди.
Фото: «Дарё» / УЕФА
Биринчи бўлим италияликларнинг катта устунлиги остида ўтди, бироқ Роберто Манчини шогирдлари рақиб дарвозасини ишғол қила олмади. Иккинчи бўлимда Австрия ҳам фаолликни оширди. Ҳисоб ўйин якунига қадар ўзгармади.
Қўшимча бўлимларнинг дастлабкисида Италия иккита гол уришга эришди: 95-дақиқада Федерико Кьеза Италияни олдинга олиб чиқди. 105-дақиқада эса Маттео Пессина жамоасининг иккинчи голини урди. 114-дақиқада Саша Калайжич ҳисобни қисқартирди, қолган вақтда ҳисоб ўзгармади.
Шу тариқа Италия терма жамоаси чорак финалга йўл олди ва кейинги босқичда Бельгия — Португалия учрашуви ғолиби билан ўйнайди. Аввалроқ Дания терма жамоаси 1/4 финал йўлланмасига эга бўлганди.
Евро—2020
1/8 финал
26 июнь, шанба
Италия — Австрия 2:1
Голлар: 1:0 – 95 Кьеза, 2:0 – 105 Пессина, 2:1 – 114 Калайжич.
Италия: Доннарумма, Спинаццола, Бонуччи, Ди Лоренцо, Ачерби, Жоржиньо, Верратти (Локателли, 67), Берарди (Кьеза, 84), Барелла (Пессина, 67), Инсинье (Кристанте, 111), Иммобиле (Белотти, 84).
Австрия: Баҳманн, Алаба, Лайнер, Драгович, Ҳинтереггер, Гриллич (Шауб, 105), Шлагер (Грегорич, 105), Лаймер (Илзанкер, 113), Баумгартнер (Шопф, 90), Забитцер, Арнаутович (Калайжич, 97).
Огоҳлантиришлар: Арнаутович (2), Ди Лоренцо (50), Барелла (51), Ҳинтереггер (103).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
